Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Moti i keq përfshin qarkun e Shkodrës, Prefektura: Ja si paraqitet situata aktuale në disa nga zonat
PiranjatPërditësimi i fundit 3 Tetor 2025, 11:37
Moti i keq ka përfshirë qarkun e Shkodrës që prej dy ditësh, me reshje të dendura bore në zona të malësisë dhe ulje të ndjeshme të temperaturave. Sidoqoftë, deri më tani, nuk janë raportuar probleme në qarkullimin rrugor dhe akset kryesore.
Shtabi i Emergjencave dhe Prefektura Shkodër njoftuan se reshjet e dëborës kanë përfshirë Qafë-Thoren, Qafë Malin të Fushë-Arrëzit dhe zonën e Dukagjinit, ku trashësia e borës ka arritur deri në 2 cm. Furnizimi me energji elektrike dhe ujë të pijshëm vijon normalisht në të gjitha zonat e prekura, dhe kalueshmëria e rrugëve është e plotë dhe pa pengesa.
Nga bashkitë Shkodër, Malësi e Madhe, Vau Dejës, Pukë dhe Fushë Arrëz konfirmojnë se situata është nën kontroll dhe nuk ka probleme të tjera që të shqetësojnë qytetarët. Pavarësisht rënies së temperaturave, gjendja është e qetë dhe është në monitorim të vazhdueshëm nga strukturat përkatëse të emergjencave civile dhe njësitë vendore.
Njoftimi i Prefekturës Shkodër:
“Nga komunikimi me strukturat vendore MC për situatën, Prefekti i Qarkut Shkodër ju bën me dije se:
-Në të gjithë territorin e Qarkut Shkodër kemi rënie të ndjeshme të temperaturave.
-Në Qafë Thore dhe Qafë Mali ( Fushë Arrëz) kanë filluar reshjet e para të dëborës, për këto dy zona trashësia e dëborës arrin rreth 2 cm.
-Në bashkinë Shkodër, Malësi e Madhe, Vau Dejës, Pukë dhe Fushë Arrëz deri në këto momente nuk raportohen problematike nga strukturat përgjegjëse.
Furnizimin me energji elektrike dhe ujë të pijshëm vijon normalisht. Kalueshmëria e rrugëve në të gjithë territorin e qarkut është e plotë dhe pa pengesa. Gjendja paraqitet e qetë dhe nën monitorim nga strukturat përgjegjëse të emergjencave civile dhe njësitë vendore”.
