Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
AKTUALITET
Nadir Çausholli mashtron sërish shtetin/ Përjashtohet nga tenderat edhe kompania e urbanëve të Tiranës
M.B.Përditësimi i fundit 23 Dhjetor 2024, 12:06
TIRANA- Agjencia e Prokurimit Publik ka vendosur të përjashtojë për gjashtë muaj nga pjesëmarrja në tenderat publikë kompaninë Green Line, që zotërohet nga biznesmeni Nadir Çausholli. Sipas APP ky vendim ka ardhur pas një hetimi administrativ të kryer, nga ku ka rezultuar se kompania ka mashtruar shtetin në procedurën e prokurimit për transportin e punonjësve të Albpetrol me fond limit 130 mijë euro.
“Në përfundimit të proçedimit administrativ u arrit në konkluzionin se ndodheshim në kushtet e nenit 78 të Ligjit të Prokurimeve, ku parashikohet se APP përjashton një operator ekonomik nga e drejta për të fituara kontrata publike për një periudhë nga 3 muaj deri në 3 vjet, për keqinformim dhe dorëzim të dokumenteve, që përmbajnë të dhëna të rreme për qëllime kualifikimi,” thuhet në vendimin e APP.
Green Line është kompania që ka shërbimin e urbanëve në unazën e Tiranës. Kjo është kompania e dytë e zotit Çausholli që përjashtohet nga pjesëmarrja në tenderat publikë. E para ishte kompania farmaceutike CFO Pharma.
Në korrik të këtij viti, APP vendosi të përjashtojë CFO Pharman me 6 muaj nga e drejta për të fituar kontrata publike me të njëjtin motiv, atë të mashtrimit.
Sipas vendimit, kompania kishte mashtruar në dy tendera. Procedura e parë ishte zhvilluar nga Spitali Psikiatrik “Ali Mihali” në Vlorë, me objekt “Blerje medikamente”; ndërsa tjetra ka të bëjë me Drejtorinë e Shërbimit Spitalor Has, me objekt “Blerje materiale mjekimi konsumi dhe kirurgjikale per nevoja spitalore”./ Kapitali.al
