Kreu i Partisë Demokristiane, Nard Ndoka deklaroi se ndryshimet në Kodin Zgjedhor, me bekimin e Lulzim Bashës, për të goditur LSI-në dhe PDK- që hoqi koalicionet klasike i dha goditjen përfundimtare pluralizmit.
Kjo është fillesa e një sistemi antikushtetues që favorizon haptazi mazhorancën përvec faktit që “Edi Rama, blen zgjedhje dhe bashkëpunon me grupet kriminale.
“Fitoren bazë ia jep ky kod problematik,” u shpreh ai sot në takimin e kryetari të PD-së Sali Berisha me aleatët e Federatës së Opozitës së Bashkuar, që po zhvillohet në sallën ‘Consortium’, Hotel Tirana International.
Ai solli si shembull disbalancën flagrante që krijon sistemi aktual, ku vetëm me dy qarqe si Vlora dhe Fieri, e majta siguron një avantazh prej 13 mandatesh, duke i fituar zgjedhjet "pa fituar" në rang kombëtar.
Kritik ishte dhe ndaj trajtimit të partive aleate brenda koalicioneve opozitare. Aleatët, po portretizohen padrejtësisht si "një peshë apo një kosto" për Partinë Demokratike, madje edhe si "e keqja" para militantëve, tha Ndoka.
Në realitet, ai argumentoi se aleatët janë "vota dhe vlerë për pluralizmin" por që në sistemin aktual, pesha e tyre elektorale nuk përfaqësohet drejt. “Ne nuk testohemi më që nga viti 2018. LSI ka pasur 100 mijë vota, Partia Demokristiane 58 mijë vota, por në koalicion këto shifër tregojnë një realitet tjetër,” theksoi ai, duke e quajtur atë një "hile të qëllimshme" që i shërben vetëm partive të madhe.
Duke iu drejtuar lidershipit actual të PD-së Berisha, ai bëri thirrje për një strategji të re, jo bojkot, por "bllokim" të qeverisë.
Opozita duhet të përdorë fuqinë e saj institucionale, pasi kontrollon 50% të territorit, për të mos lejuar kryeministrin Rama të bëjë ndryshime të njëanshme si me reformën territoriale apo atë zgjedhore. Ai shprehu frikën se komisionet e reja parlamentare janë një kurth i ngritur nga mazhoranca për të miratuar në fund atë që dëshiron vetë.
Në përfundim, thirrja ishte e qartë: opozita duhet të vendosë për një sistem të ri, plural dhe përfaqësues, i cili do të zbehte rolin e grupeve kriminale dhe do t'i jepte fund luftës së brendshme.
Fjala e Nard Ndoka në takim
"Heqja e koalicioneve klasike, i dha goditjen përfundimtare pluralizmit, që unë kam dyshimet e mia, sot, ndoshta dhe atëherë, që Lulzim Basha i mbylli sytë. Se kishte interesat e tija për të goditur edhe LSI-në, megjithëse i kishte partnere, për të goditur edhe Partinë Demokristiane, që kjo ka filluar që në 2008-ën.
Ne nuk kemi fituar zgjedhje që në 2018-ën. Nuk e kuptoj zoti Berisha, se si ka mundësi që nuk e shohim të keqen te 2018-ta te ky sistem, se nuk kemi fituar.
Pra Partia Demokratike në ditën më të mirë të saj, në qeverisjen më të mirë që pati, në 2009-ën, kemi marrë 70 mandate. Pra s'e kemi kaluar pragun e 50%-shit.
Edhe mbas zgjedhjeve mbas zgjedhjeve, Edi Rama, pa diskutim që blen zgjedhje, bën presione, bashkëpunon me grupet kriminale, por kjo e thellon fitoren.
Ndërsa fitoren bazë ia jep Ky Kod Zgjedhor i cili është problematik, është antikushtetues, vota nuk ka, nuk është e barabartë për për qarkun e Vlorës dhe për qarkun e Shkodrës.
Vetëm me dy qarqe Edi Rama i fiton zgjedhjet pa fituar.
Vetëm me Fierin edhe me Vlorën, e majta e ka 13 mandate plus.
Dhe kjo na jep një goditje jashtëzakonisht të madhe.
Pastaj futemi sot një reformë territoriale, sipas gjykimit tim, ndoshta do të bëhej mbas një viti, sa gjërat të çartësoheshin, por derisa është bërë një hap, ne po i japim mendimet tona.
Ne duhet të jemi të qartë, zoti Berisha.
Jam dakord që s'nuk duhet të bojkotojmë, as zgjedhje, as komisione parlamentare, por nuk do ta lejojmë Ramën ne. Nuk na falet ne që presim raportet e OSBE-ODIHR-it apo të mbajmë vëzhgime, apo të tregojmë se si na janë vjedhur zgjedhjet. Ta bllokojmë. Opozita është një institucion. Opozita drejton 50% të territorit në zgjedhje. Opozita kontrollon 50%-shin e tjetër, që ka nënkryetarët.
Po s'kemi nevojë për me shpallë falimentin përballë një personi që bën ç'është e mundur për me qëndru në pushtet.
Ta bllokojmë.
Nuk i bojkotojmë, por e bllokojmë. I kemi të gjitha mundësitë, instrumentat për ta bërë një gjë të tillë.
Në qoftë se ai bën, vendos rregulla në mënyrë të njëanshme, ai s'po ndan tokën e Kristaqit. Po ndan rregullat për pluralizmin shqiptar, se kjo i takon edhe për reformën territoriale.
E kemi bojkotuar ne, kemi bërë shumë gabim reformën territoriale, edhe i ka ndarë, ka bërë një reformë territoriale që kjo na pengon jashtë mase shumë.
Edhe në zgjedhje, edhe në përfaqësim, edhe në shërbimet ndaj qytetarëve, se e kemi bërë lëmsh. Bashkia e kryeqytetit merret edhe me kanalizimet e Zallherit. Kur ka 1001 probleme. Edhe kjo është papërgjegjshmëri shumë e madhe e komplet klasës politike që ne kemi pjesën tonë të fajit.
Unë do të dëshiroja shumë që ne të jemi të qartë me sistemin.
Pra, nuk ka asnjë lloj problemi, në qoftë se na thuhet që ne jemi për këtë model. Është e drejta juaj. Ne shohim veten tonë se ku jemi. Por jo gjithmonë në minutat e fundit, pa pasur informacion, vihemi përballë një realiteti që na ka penalizuar nga zgjedhje në zgjedhje.
Dhe për fatin e keq, dhe këtë e kam si vërejtje, krijohet një frymë edhe tek militantët e partisë tuaj, sikur aleatët janë, janë një peshë, janë një kosto. Jo. Këtë e dini edhe ju, po nuk ua thoni. Dhe na bëni ne tabelë qitje. Jo, aleatët janë vota për ju, janë një vlerë e pluralizmit dhe marrim shumë më pak sesa na takon bashkë peshës tonë elektorale.
Që ne që në vit, në vitin 2008 kur u ka lëshuar Kodi Zgjedhor, ne nuk testohemi. Se futemi në koalicion edhe na na numërohen ato vota që mbesin shuma në letër dhe jo ato mijëra të Tiranës që i merrni ju nëpërmjet koalicionit që s'kemi kandidatë.
Edhe kjo është një hile e qëllimshme.
Dhe unë e ndjej shumë edhe kohët e fundit, edhe në takimet e foltores, e parë dhe e dytë, që shiten tonë aleatët sikur ne jemi e keqja. Jo, ne jemi një vlerë, që vetëm LSI-ja përpara disa viteve ka pasur 100 mijë vota.
Kuptohet që goditjet që erdhën në dy krahët, që për fatin e keq kishte dhe Ramën përballë edhe Lulzim Bashën në anën tjetër, por edhe Partia Demokristiane, ne kemi pasur 58 mijë vota, që i thonë gjashtë mandate.
Në Kuvendin e Shqipërisë. Por duke qenë pjesë e këtyre koalicioneve, ne kemi, kemi fliruar. Pra vetëm me votat e LSI-së, nëntë mandate që i keni dhënë aleatëve, e mbulojnë.
Përveç se çdo parti politike kontribuon se sistemi zgjedhor edhe me një votë ta heqë mandatin. Kështu që unë them që militantëve t'ju tregoni të vërtetën, se të paktën unë ndjehem mirë se s'jam as në parlament. Pra, ato votat tona i keni marrë dhe s'e kam të drejtën për me ju, po ju dal zot edhe atyre që janë në parlament, që janë me votat e tyre, jo të Partisë Demokratike dhe ju përfitoni shumë më tepër vota se edhe mbas letrave të historisë si ka qenë përpara. Edhe kjo është shumë e rëndësishme që kjo klimë. Ne çfarë duam ne? Ne s'kemi kërkuar ndonjë favor me ligj.
Ne duam një koalicion që të kemi siglën tonë, emrat tonë, kandidatët tonë dhe t'ju mbështesim edhe ju. Pra një koalicion klasik.
E ndryshoi kushtetutën Edi Rama, me metjet e Lulzim Bashës në parlament e ndryshoi. Jo me ne. Ne e kundërshtuam, dorëzuam mandatet, kur ishte puna për një aksion ëh politik. Kështu që duke parë në këtë kontekst, në qoftë se ne futemi në një reformë territoriale, se edhe kjo s'ka sens se ne futemi me dy komisione edhe nuk e dimë, se kur kur ngrihet një komision do të kesh edhe një dakordësi paraprake.
Që ky Edi Rama është i prirur për reformën territoriale, do me i bërë ndryshime sistemit zgjedhor. Se ai i bën këto lëvizje dhe në fund miraton çfarë të dojnë vetë.
Pra ne bëhemi viktima e radhës. Kështu që para se me u ngritur komisioni, unë besoj se e keni bërë një bisedë. Në qoftë se e keni bërë na thoni, se transparenca është shumë e domosdoshme. Në qoftë se s'e keni bërë, keni bërë gabim. Se prapë ka me e përdorur të njëjtën metodë dhe do të miratojnë çfarë të dojnë ai për për të ardhmen.
Unë këtu kisha, e kam shqetësim real. Jam një njeri që e kam ndjekur reformën, gjithmonë zgjedhore, në shumicën e rasteve kam qenë anëtar i komisionit të reformës zgjedhore, e kam kundërshtuar që në gjenezë, që kam menduar që është një goditje ndaj pluralizmit, jo për interesat e mia ëh politike. Për këtë ndjehem mirë sot të paktën, se ka edhe shumë njerëz që e kanë votuar dhe sot janë ëh, penduar. Por unë e shoh të keqen zoti Berisha, përveç Edi Ramës, që është e keqja më e madhe, jo vetëm e sistemit, por edhe e shqiptarëve, edhe e kombit tonë madje, përtej po fusim edhe, edhe Kosovën në këtë rast, se edhe atje i ka futur hundët.
Por ne duhet ta ndajmë mendjen për një sistem plural, përfaqësues i cili e zbeh edhe rolin e grupeve kriminale në zgjedhje. Që gjithmonë do të do të marrësh kundërmasa.
Në qoftë se sot ky sistem zgjedhor ka rëndësi grupet kriminale, me një sistem tjetër zbehet roli i tyre. Në qoftë se ky sistem ka një luftë edhe mes nesh, jo me lista të hapura, jo me lista të mbyllura, një sistem tjetër ëh i jep epërsi morale edhe opozitës. Ne e kemi pasur atë, po marrim përpara 2008-ës, ishte një sistem shumë më i mirë, nuk ishte një problem sistemi. Ishte problem që ne ta ngushtonim pluralizmin dhe e kemi ngushtuar deri në atë masë sa kemi dëmtuar veten jashtë mase shumë.
Artikuj te sugjeruar
AKTUALITET
5 Dhjetor13:04
Akuzohen për vrasjen e Mondi Mëhallës, lihet në burg Xhino Ago dhe roja Kujtim Pisha!
Gjykata e Shkallës së Parë të Juridiksionit të Përgjithshëm Elbasan ka caktuar masën e sigurisë “arrest me ...
AKTUALITET
5 Dhjetor12:55
SKANDAL tek Onkologjiku, pacientja rrëzohet nga pritja e gjatë në spital
Kjo foto nuk vjen nga ndonjë vend i varfër i botës së tretë. Nuk është as ndonjë qendër shëndetësore e ...
AKTUALITET
5 Dhjetor12:33
Aksident me vdekje në Shkodër
Një aksident i rëndë ka ndodhur në Shkodër. Mësohet se ngjarja ka ndodhur në aksin rrugor “Shkodër – Hani ...
AKTUALITET
5 Dhjetor12:22
Ka vënë në përgjim anëtarët e KLP? Reagon SPAK: Çdo deklaratë e pabazuar në fakte, përpjekje për të keqinformuar publikun
Pas disa akuzave të bëra publike se SPAK po përgjon anëtarët e KLP-së, vjen një reagim nga Prokuroria e Posaçme.
N&...
AKTUALITET
5 Dhjetor11:58
Rama paralajmëron ristrukturimin e Agjensisë Kombëtare të Zonave të Mbrojtura
Kryeministri Edi Rama ka mbajtur fjalën e tij sot në në aktivitetin “Për ty natyrë”.
Gjatë këtij takimi ai tha...
AKTUALITET
5 Dhjetor11:55
Prej 10 shkurtit në paraburgim, shtyhet seanca për Erion Veliajn
Prej 10 shkurtit në paraburgim, shtyhet seanca për Erion Veliajn...
AKTUALITET
5 Dhjetor11:48
''Zonat e mbrojtura''/ Rama flet sikur është në opozitë: Nëse menaxhohen me zgjuarsi, mund të jenë burim të ardhurash
Kryeministri Edi Rama po merr pjesë në aktivitetin “Për ty natyrë”, ku po diskutohet për prioritetet e mjedisit, bi...
AKTUALITET
5 Dhjetor11:47
Polici mbetet pa armë – pistoleta i vidhet në banesë
Një punonjësi të Policisë së Burgjeve i është vjedhur arma e shërbimit në banesën e tij në qytetin e Pogr...
AKTUALITET
5 Dhjetor11:40
Akuza për “veprime që pengojnë zbulimin e së vërtetës”/ Ish-deputetja e PS kërkon pushimin e çështjes
Ish-deputetja e PS-së Klotilda Bushka, e cila u mor e pandehur në dosjen e Erion Veliajt, ka kërkuar pushimin e çështjes.
Klotilda...
AKTUALITET
5 Dhjetor11:29
''Zjarret në verë''/ Rama justifikohet: Askush s’i ka gjetur ilaçin flakëve
Kryeministri Edi Rama deklaroi se sfidë e madhe ngelen zjarret në verë, ndërsa foli për rritje të financimeve në kët&e...
