Ndante kanabisin në doza dhe e shiste në lagjet e Sarandës, arrestohet në flagrancë 25-vjeçari

foto ilustruese

SARANDË- Një i ri është arrestuar ditën e sotme në Sarandë. Mësohet se F.K 25 vjeç, u kap me doza kanabisi dhe me një thikë me vete.

Bëhet me dije se i riu siguronte kanabisin, e ndante në doza dhe më pas i shiste ato në lagje të ndryshme të qytetit të Sarandës. Për pasojë u sekuestrua lënda narkotike kanabis, një grirëse për lëndët narkotike, mjeti prerës (thikë) dhe 2 celularë.

Njoftimi i Policisë:

Vihet në pranga një 25-vjeçar që u kap në flagrancë me një sasi lënde narkotike gati për shitje dhe me armë të ftohtë (thikë).

Sekuestrohen lënda narkotike kanabis, një grirëse për lëndët narkotike, mjeti prerës (thikë) dhe 2 celularë.

Shërbimet e Komisariatit të Policisë Sarandë, në kuadër të megaoperacionit “Tempulli”, kanë goditur një tjetër rast të prodhimit dhe shitjes së lëndëve narkotike, si rezultat i të cilit u arrestua në flagrancë shtetasi:

– F. K., 25 vjeç, banues në Berat.

Gjatë kontrollit fizik të ushtruar ndaj tij, në lagjen nr. 4, shërbimet e Komisariatit të Policisë Sarandë i kanë gjetur lëndë të dyshuar narkotike kanabis, një grirëse për lëndët narkotike dhe një mjet prerës (thikë), të cilat u sekuestruan në cilësinë e provës materiale, bashkë me 2 celularë.

Nga veprimet hetimore dyshohet se ky shtetas siguronte lëndë narkotike kanabis, e ndante në doza në banesën e tij dhe i shiste ato në lagje të ndryshme të qytetit të Sarandës.

Materialet procedurale i kaluan Prokurorisë, për veprime të mëtejshme.

sarande policia