Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
AKTUALITET
Ndezi zjarr në tokën e tij dhe flakët dolën jashtë kontrollit, arrestohet autori në Durrës
S.BPërditësimi i fundit 16 Korrik 2024, 13:25
foto ilustruese
DURRËS- Arrestohet në Durrës autori i një rasti zjarrvënieje. Mësohet se 71-vjeçari N.Z, ndezi zjarr në tokën e tij ditën e djeshme, ku për pasojë zjarri doli jashtë kontrollit.
Për shkak të flakëve u dogj një sipërfaqe e madhe toke. Ndaj 71-vjeçarit rëndon akuza për veprën penale “Shkatërrimi i pronës me zjarr”.
Njoftimi i Policisë:
Policia identifikon, kap dhe vë në pranga autorin e dyshuar të një rasti zjarrvënieje.
Në vijim të punës hetimore për identifikimin dhe kapjen e autorëve të zjarrvënieve, bazuar në informacionet dhe provat e siguruara nga Komisariati i Policisë Durrës, u bë identifikimi dhe arrestimi në flagrancë i shtetasit N. Z., 71 vjeç, banues në fshatin Bisht Kamëz, Durrës.
Nga veprimet hetimore dyshohet se ditën e djeshme, ky shtetas ka ndezur zjarr në tokën e tij, i cili i ka dalë jashtë kontrolli dhe si pasojë është djegur një sipërfaqe e madhe toke.
Materialet procedurale i kaluan Prokurorisë së Durrësit, për veprime të mëtejshme, për veprën penale “Shkatërrimi i pronës me zjarr”.
Drejtoria Vendore e Policisë Durrës apelon për të gjithë banorët dhe në veçanti për ata që kanë në përdorim sipërfaqe kullotash, që në asnjë rast të mos shkaktojnë zjarrvënie, pasi do të përballen me ligjin. Policia fton qytetarët që të denoncojnë në numrin 112, çdo rast të zjarrvënies dhe të paligjshmërisë në tërësi. Reagimi do të jetë i menjëhershëm dhe konform ligjit.
