pamje nga investigimi
FIER- Prokuroria e Fierit ka regjistruar procedim penal për veprën penale "Përdorimi i funksionit publik pë...
AKTUALITET
Nga dhuna ndaj infermierit te vjedhja dhe shkaktim i aksidentit, arrestohen 6 persona për vepra të ndryshme në Tiranë
n.fPërditësimi i fundit 15 Gusht 2024, 10:56
Foto ilustruese
TIRANË- Gjashtë persona janë vënë në pranga për vepra të ndryshme në Tiranë. Policia bën me dije se mes të arrestuarve është vënë në pranga një 18-vjeçar i cili ishte dënuar me 4 muaj burg për vjedhje.
Në pranga është vënë në pranga i mitur 17-vjeçar pasi pas një konflikt për motive të dobëta, dyshohet se ka goditur me grusht një person. Një 34-vjeçar u arrestua pasi ka përndjekur ish të dashurën e tij. Një 23-vjeçar është vënë në pranga pasi ka goditur një infermier në ambientet e spitalit "Nënë Tereza".
Tiranë/Arrestohen 6 shtetas, për vepra të ndryshme penale. Specialistët për Hetimin e Krimeve në Komisariatin e Policisë Nr. 3: - ekzekutuan vendimin penal për shtetasin O. H., 18 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 4 katër muaj burgim për veprën penale "Vjedhja";
- arrestuan një 17-vjeçar, banues në Tiranë, pasi në rrugën “Gjergj Legisi”, pas një konflikti për motive të dobëta, dyshohet se ka goditur me grusht shtetasin L. K.
Specialistët për Hetimin e Krimeve në Komisariatin e Policisë Nr. 4 arrestuan shtetasit: - A. C., 34 vjeç, banues në Tiranë, pasi në mënyrë të vazhdueshme dyshohet se ka përndjekur ish të dashurën e tij;
- A. Zh., 23 vjeç, banues në Tiranë, për veprën penale "Goditjet për shkak të detyrës", pasi ditën e djeshme, në ambientet e spitalit "Nënë Tereza", ka goditur për shkak të detyrës shtetasin A. N., me detyrë infermier pranë këtij spitali.
Specialistët e Komisariatit të Policisë Rrugore Tiranë arrestuan shtetasit: - G. G., 38 vjeç, banues në Tiranë, pasi duke drejtuar automjetin në gjendje të dehur është përplasur me një automjet tjetër dhe si pasojë ka vetëm dëme materiale;
- E. D., 40 vjeç, banues në Durrës, pasi në Vorë, duke drejtuar në gjendje të dehur automjetin tip "Fiat", është përplasur me mjetin me drejtues shtetasin D. L., 23 vjeç, banues në Shkup. Si pasojë është dëmtuar shtetasi D. L., dhe 2 pasagjerët në mjetin e tij, të cilët ndodhen jashtë rrezikut për jetën. Materialet i kaluan Prokurorisë.
