Nga dhuna në familje e deri te drejtimi i mjetit pa patentë, procedohen penalisht 5 persona në Fier

Foto ilustruese

FIER- Pesë persona janë proceduar penalisht ditën e sotme në Fier. Policia përmes një njoftimi ka bërë me dije se mes të proceduarve është një 60-vjeçari i cili ka përplasur një të moshuar me motor. I moshuari ndodhet në spital ndërsa 60-vjeçari ka konstuar se drejtonte motorin pa patentë.

Gjithashtu janë proceduar babë e bir pasi dyshohet se kanë dhunuar vajzën e familjes. Dy persona të tjerë janë proceduar pasi njëri ka plagosur me mjet prerës një 49-vjeçar ndërsa tjetri ka goditur me grusht një person.

Njoftimi:

Drejtoria Vendore e Policisë Fier/ Policia Rrugore referoi materialet në Prokurori ku nisi procedimi në gjendje të lirë për shtetasin H. G., 60 vjeç, banues në Lushnjë, pasi duke drejtuar pa leje drejtimi një motomjet, ka përplasur biçiklistin, shtetasin H. Q., 79 vjeç, i cili ndodhet në spitalin e Traumës, për ndihmë mjeksore, jashtë rrezikut për jetën.

Komisariati i Policisë Lushnjë referoi materialet në Prokurori ku nisi procedimi në gjendje të lirë për shtetasit:
•A. Ç., 32 vjeç, pasi për motive të dobëta, ka goditur me mjet prerës shtetasin Q. Sh., 49 vjeç;
•S. K., 21 vjeç, pasi për motive të dobëta ka goditur me grushte shtetasin R. R., dhe më pas i ka dëmtuar automjetin që ky shtetas drejtonte.

Komisariati i Policisë Mallakastër referoi materialet në Prokurori ku nisi procedimi në gjendje të lirë për shtetasin I. Xh., 51 vjeç, pasi dyshohet të ketë ushtruar dhunë ndaj vajzës së tij. Për këtë rast u procedua penalisht dhe djali i tij shtetasin A. Xh., 24 vjeç, pasi dyshohet se ka ushtruar dhunë ndaj motrës së tij. Materialet procedurale i kaluan Prokurorisë për veprime të mëtejshme.

fier procedim dhune