Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
Nga dhuna në familje te shkelja e rregullave të qarkullimit rrugor, arrestohen dy persona dhe procedohen tre të tjerë në Korçë
S.BPërditësimi i fundit 4 Shtator 2024, 11:07
KORÇË- Dy persona janë arrestuar sot në Korçë. Mësohet se E.V është ndaluar në hyrje të Kapshticës pasi është dënuar me arrest shtëpie nga Gjykata e Tiranës për “Shkelja e rregullave mbi lëndët plasëse dhe djegëse” dhe “Prishja e qetësisë publike”.
Ndërkohë 52-vjeçari J.B është arrestuar pasi ka ushtruar dhunë ndaj bashkëshortes e cila u pajis me urdhër mbrojtjeje. Tre persona të tjerë janë proceduar të lirë për dhunë psikologjike, kundërshtimi i punonjësit të policisë si dhe shkelja e rregullave të qarkullimit rrugor.
Njoftimi i policisë:
Shërbimet e Policisë Kufitare në PKK Kapshticë ndaluan në hyrje, shtetasin E. V., 39 vjeç, banues në fshatin Malbardhë, Laç, pasi Gjykata e Tiranës i ka caktuar masën e sigurisë “Arrest në shtëpi”, për veprat penale “Shkelja e rregullave mbi lëndët plasëse dhe djegëse” dhe “Prishja e qetësisë publike”.
Komisariati i Policisë Devoll arrestoi në flagrancë shtetasin J. B., 52 vjeç, banues në fshatin Vranisht, Devoll, pasi ka ushtruar dhunë ndaj bashkëshortes së tij, e cila u pajis me urdhër mbrojtjeje.
Komisariati i Policisë Maliq referoi materialet në Prokurori ku filloi procedimi në gjendje të lirë për shtetasin M. M., 78 vjeç, banues në fshatin Mesmal, Maliq, pasi dyshohet se ka ushtruar dhunë psikologjike ndaj vëllait të tij.
Komisariati i Policisë Korçë referoi materialet në Prokurori ku filloi procedimi në gjendje të lirë për shtetasin K. Gj., 69 vjeç, banues në fshatin Klocë, Maliq, pasi në qytetin e Korçës, ka kundërshtuar punonjësin e Policisë Bashkiake.
Në vijim të informacionit paraprak të dhënë ditën e djeshme, për një aksident rrugor në aksin “Korçë-Devoll”, në fshatin Dishnicë, informojmë se Sektori i Policisë Rrugore referoi materialet në Prokurori, ku filloi procedimin në gjendje të lirë për shtetasen F. S., 22 vjeçe, banuese në Plasë, Maliq, për veprën penale “Shkelja e rregullave të qarkullimit rrugor”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
