Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
AKTUALITET
Ra nga skela gjatë procesit të punës, përfundon në spital 33-vjeçari, arrestohet administratori i firmës së ndërtimit
S.BPërditësimi i fundit 4 Shtator 2024, 10:55
TIRANË- Administratori i një firme ndërtimi është arrestuar ditën e sotme në Tiranë. Bëhet me dije se ditën e djeshme ka rënë nga skela teksa punonte në kantierin e ndërtimit I.Sh 33 vjeç.
Për pasojë i riu është dëmtuar, dhe aktualisht ndodhet në spital nën kujdesin e mjekëve. Lidhur me rastin policia arrestoi administratorin Q.D 47 vjeç për "Shkelje të rregullave të mbrojtjes në punë".
Njoftimi i Policisë:
Tiranë/Arrestohen 3 shtetas, për vepra të ndryshme penale.
Specialistët për Hetimin e Krimeve në Komisariatin e Policisë Nr. 5 arrestuan shtetasin Q. D., 47 vjeç, banues në Tiranë, administrator në një firmë ndërtimi, për veprën penale "Shkelja e rregullave të mbrojtjes në punë", parashikuar nga neni 289 i Kodit Penal. Ditën e djeshme, në kantierin e ndërtimit të kësaj firme, është rrëzuar nga skela ku ishte duke punuar shtetasi I. Sh., 33 vjeç, banues në Librazhd, i cili si pasojë është dëmtuar dhe ndodhet në spital, në kujdesin e mjekëve.
Specialistët e Komisariatit të Policisë Rrugore Tiranë arrestuan shtetasit:
- R. O., 24 vjeç, banues në Tiranë, pasi në rrugën "Tre Deshmorët", duke drejtuar automjetin ka aksidentuar shtetasin P. D., 85 vjeç, i cili si pasojë është dëmtuar dhe ndodhet në spital, në kujdesin e mjekëve;
- B. P., 54 vjeç, banues në Tiranë, si dhe proceduan në gjendje të lirë shtetasin E. V., 24 vjeç, banues në Tiranë. Shtetasi E. V., duke drejtuar mjetin tip "Benz", është përplasur me motomjetin me drejtues shtetasin B. P., i cili pas kryerjes së testit të alkoolit, ka rezultuar në gjendje të dehur dhe pa leje drejtimi. Si pasojë është dëmtuar shtetasja E. P., 22 vjeçe, pasagjere në motomjet, e cila pas marrjes së ndihmës mjekësore në spital, është larguar për në banesë.
