Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Nga ndërhyrja e komisionerëve të PS, prania e persona të pa autorizuar te thirrja e Taulant Ballës, incidentet që u regjistruan në zgjedhje
PiranjatPërditësimi i fundit 9 Nëntor 2025, 15:55
Disa incidente u regjistruan gjatë zgjedhjeve lokale në pesë bashki të vendit që po zhvillohen këtë të diel.
Në Vlorë, socialistët edhe pse e kanë bastion të tyre, komisionarët e Partisë Socialiste janë kapur duke nxjerrë informacione mbi personat votues. Vendimi shkel drejtpërdrejt rregullat, duke cenuar sigurinë e zgjedhjeve. Pothuajse në çdo qendër votimi të qytetit, janë vërejtur raste ku komisionerët e PS kanë shpërndarë informacione të ndjeshme për identitetin e votuesve dhe se kush e kishte kryer votimin.
Taulant Balla i njohur për ndërhyrje brutale në zgjedhje veçanërisht në Elbasan ku është lakuar jo pak për lidhje me grupe kriminale, theu heshtjen zgjedhore, duke u bërë thirrje votuesve të votojnë për kandidatët e Partisë Socialiste. Kreu i KQZ Ilirja Celibashi, tha se është e ndaluar të bëhen thirrje elektorale.
Ndërkaq, në shumë qendra votimi, kanë hyrë persona të pa autorizuar. “Kemi komunikuar me policinë e shtetit që të verifikojnë dokumentacionin që disponon secili nga ata individë. Me përjashtim të 2-3 rasteve nuk na rezulton se ka pasur problematika.
Nga informacionet që ka marrë KQZ nuk kemi raportime të tilla. Pra për prani të personave të paautorizuar pranë qendrave të votimit. Ishte një diskutim në Mat, për disa lokale që janë rreth e qark ndonjë qendre votimi, por ato janë lokale, nuk janë zyra të partive politike. Nuk kemi marrë edhe ndonjë shqetësim nga partitë politike”, tha kreu i KQZ, Ilirjan Celibashi.
Procesi i votimit në Bashkinë e Matit është shoqëruar me tensione dhe shkelje të rënda të transparencës, pasi gazetarët e Syri TV nuk janë lejuar të futen në qendrat e votimit për të raportuar mbi ecurinë e procesit.
Sipas ekipit të terrenit të Syri TV, punonjës të administratës zgjedhore dhe persona të lidhur me strukturat e pushtetit lokal kanë penguar hyrjen e mediave në disa qendra, duke u përpjekur t’u mbyllin derën përpara se gazetarët të hynin brenda për të filmuar.
