Nënkryetari i Partisë Demokratike Belind Këlliçi ka reaguar me një shënim në rrjetet sociale pas publikimit të p&eum...
AKTUALITET
Nga pagat e mësuesve dhe policisë te regjistri për lojërat e fatit/ Zbardhen vendimet e Këshillit të Ministrave
PiranjatPërditësimi i fundit 27 Shkurt 2026, 15:48
Këshilli i Ministrave ka miratuar një sërë vendimesh që prekin sistemin arsimor parauniversitar, Forcat e Armatosura, Policinë e Shtetit, si dhe rregullimin e lojërave të fatit në vend.
Ndryshime në pagat e mësuesve dhe punonjësve të arsimit
Ekzekutivi miratoi ndryshime në vendimin nr. 425, datë 26.6.2024, “Për miratimin e strukturës dhe të niveleve të pagave të punonjësve mësimorë dhe të punonjësve të tjerë jomësimorë në institucionet arsimore dhe në institucionet plotësuese të sistemit arsimor parauniversitar”.
Sipas vendimit, ndryshimet do të hyjnë në fuqi pas botimit në Fletoren Zyrtare dhe do të kenë efekte financiare që nga data 1 janar 2026.
Rishikim i trajtimit financiar për ushtarakët dhe Policinë e Shtetit
Ndryshime janë miratuar edhe në vendimin nr. 420, datë 26.6.2024, që lidhet me trajtimin me pagë dhe shtesa mbi pagë të ushtarakëve aktivë të Forcat e Armatosura të Republikës së Shqipërisë.
Po ashtu, është ndërhyrë në vendimin nr. 4, datë 9.1.2025, për miratimin e vlerave të secilit element përbërës të pagës bruto mujore dhe përcaktimin e kritereve e procedurave për dhënien e shpërblimeve për punonjësit e Policia e Shtetit.
Krijohet Inspektorati Qendror i Arsimit Parauniversitar
Një tjetër vendim i rëndësishëm është ai për krijimin, organizimin dhe funksionimin e Inspektoratit Qendror të Arsimit Parauniversitar, i cili do të ketë rol në monitorimin dhe garantimin e zbatimit të standardeve në institucionet arsimore.
Mbështetje financiare për të rinjtë në Programin e Talenteve Rinore
Qeveria ka miratuar gjithashtu rregullat për organizimin, kriteret, mënyrën e mbështetjes dhe masën e shpërblimit financiar për të rinjtë pjesëmarrës në Programin e Talenteve Rinore, me qëllim nxitjen dhe promovimin e të rinjve të dalluar në fusha të ndryshme.
Regjistër elektronik për ndalimin në lojërat e fatit
Në kuadër të forcimit të kontrollit mbi aktivitetin e lojërave të fatit, është miratuar vendimi për krijimin, mbajtjen dhe funksionimin e Regjistrit Elektronik të personave për të cilët është vendosur ndalimi i hyrjes në ambiente fizike të lojërave të fatit apo në platforma online.
Vendimi përcakton rregullat për paraqitjen, shqyrtimin, miratimin, anulimin apo refuzimin e kërkesave për moslejimin e personave për të hyrë në ambiente apo platforma të licencuara të lojërave të fatit, sipas kategorisë përkatëse.
Janë zbardhur disa nga komunikimet mes modeles shqiptare Misse Beqiri Maloku me Jeffrey Epstein. Nga bisedat e publikuara kuptohet se mes tyre kishte nj&...
