Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
AKTUALITET
Nga vjedhja tek drejtimi i mjetit në gjendje të dehur, arrestohen katër persona në Tiranë
E.DPërditësimi i fundit 25 Korrik 2024, 10:22
TIRANË- Katër persona janë arrstuar në Tiranë për vepra të ndryshme penale. Mësohet se një 22-vjeçar ka kryer vjedhje, ndërkohë që një 25-vjeçar ka ushtruar dhunë ndaj babait të tij. Dy persona të tjerë janë arrestuar për vepra penale drejtimin motomjeti pa leje dhe drejtim motomjeti në gjendje të dehur. Me rastet do të merret Prokuroria e Tiranës.
Specialistët për Hetimin e Krimeve të Komisariatit të Policisë Nr. 3 ndaluan shtetasin M. I., 22 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 3 muaj burgim, për veprën penale "Vjedhja", kryer në bashkëpunim.
Specialistët për Hetimin e Krimeve të Komisariatit të Policisë Nr. 5 arrestuan shtetasin T. M., 25 vjeç, banues në Bathore, pasi dyshohet se ka ushtruar dhunë ndaj babait të tij.
Specialistët e Komisariatit të Policisë Rrugore Tiranë arrestuan shtetasit: M. F., 37 vjeç, banues në Tiranë, pasi u kap duke drejtuar motomjetin pa leje drejtimi;
A. R., 49 vjeç, banues në Tiranë, pasi duke drejtuar motomjetin në gjendje të dehur, dyshohet se ka humbur kontrollin mbi drejtimin e tij dhe motomjeti ka dalë nga rruga. Si pasojë janë dëmtuar drejtuesi i motomjetit dhe pasagjeri, shtetasi A. P., 64 vjeç, të cilët ndodhen jashtë rrezikut për jetën. Materialet i kaluan Prokurorisë.
