Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
AKTUALITET
Ngjarja në Manzë/ Mediat italiane zbulojnë detaje mbi të shkuarën e Flori Paluçit: Ishte në kërkim për tentativë vrasjeje të dyfishtë
PiranjatPërditësimi i fundit 25 Tetor 2025, 08:45
Flori Paluçi, 33 vjeç, që humbi jetën në Manzë të Durrësit pas një sherri për një kafe, ka rezultuar se ishte në kërkim në Itali për tentativë vrasjeje të dyfishtë. Lajmi u bë i ditur nga mediat italiane më 24 tetor. Sipas raportimeve, Paluçi ishte nën hetim nga Prokuroria e Perugias për një ngjarje të ndodhur më 19 qershor, përpara një bari në zonën e Vernës, në Umbertide, ku pas një shkëmbimi zjarri dy persona mbetën të plagosur rëndë. Hetimet paraprake sugjerojnë se përplasja ishte e lidhur me çështje droge. Pas ngjarjes, Paluçi, i njohur më parë nga policia italiane, u arratis dhe qëndroi i fshehur për disa muaj, deri sa u identifikua pas vrasjes në Shqipëri.
Fundi i arratisjes së Paluçit erdhi më 21-22 tetor, kur në Manzë të Durrësit ndodhi një tjetër përplasje me armë përpara një karburanti. Sipas mediave shqiptare, ngjarja nisi për një kafe. Një 23-vjeçar, që ndodhej ulur në një lokal me një mik, kishte kërkuar një ekspres, por kamarieri nuk e kishte shërbyer pasi ekspresi ishte fikur. Kjo shkaktoi një debat të ashpër, në të cilin ndërhyri edhe Flori Paluçi. Hetimet paraprake sugjerojnë se Paluçi dyshohet se qëlloi me armë ndaj 23-vjeçarit, duke e vrarë në vend. Miku i viktimës reagoi duke nxjerrë armën dhe hapur zjarr drejt Paluçit, duke e vrarë në vend.
Policia shqiptare ka nisur hetimet dhe aktualisht është në kërkim të autorit të dyshuar për vrasjen e Flori Paluçit. Hetimet janë në zhvillim për të zbardhur plotësisht ngjarjen dhe për të përcaktuar rrethanat e konfliktit fatal.
