Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Një vit Piranjat!
PiranjatPërditësimi i fundit 26 Prill 2023, 20:14
Një vit Piranja!
Sot është përvjetori i emisionit Piranjat, një emision i cili për nga mosha do duhej të ishtë duke mësuar hapat e parë apo duke filluar të bëlbëzonte, por në realitet një emision i cili ka ditur t'i flasë me zë të lartë shoqërisë shqiptare apo institucioneve në lidhje me të metat e tyre dhe shkeljen e të drejtave të qytetarëve.
Piranjat filloi si një emision investigativ, dhe çdo emision i tillë përballet me përgjegjësinë e raportimit të denoncimeve nga njerëzit e thjeshtë. Masiviteti dhe dëshira e tyre për t'i bërë këto denoncime është treguesi më i mirë i mungesës së llogaridhënies nga institucionet dhe përgjegjshmërisë nga organet ligjzbatuese apo ato gjyqësore.
Mirëpo Piranjat shumë shpejt krijuan një karakter të vetin. Nga garat në sprint me pedofilët, tek kamerat e fshehta gazmore me personazhe VIP, rastet e ndihmës shëndetësore apo ndërgjegjësimit mbi tumorin, e deri te editorialet e kthjellëta të përcjella mjeshtërisht nga Flor Binaj. Ato hynë në shtëpitë e shqiptarëve jo thjesht për të dhënë argëtimin apo sensacionin, por edhe për të transmetuar një sens të përgjegjshmërise qytetare, kërkimin e llogarisë dhe ngritjen e nivelit të reagimit në vend të mpirjes me tallava televizive boshe apo logorre servile.
Kur thuhet Piranjat disa turistëve u vjen në mend nje peshk gjahtar, shumë njerëzve të thjeshtë shqiptarë u vjen në mend investigimi mbi nje abuzues me minorenët apo mbi një tender rrugë të shtruar me çakull politik, një pakice të politikanëve apo shërbëtorëve të tyre u vjen në mend kafshimi dhe parehatia e notimit në ujërat e turbullt të korrupsionit.
Ama një gjë është e sigurtë: askush më nuk mund ta injorojë këtë peshk ekzotik i cili është futur me vendosmëri në fjalorin shoqëror shqiptar.
Së fundmi Piranjat ndonjëhërë mund të kenë gabuar, mund të jenë nxituar apo mund të mos kenë arritur një rezultat të dëshiruar, ama kurrë nuk janë dorëzuar dhe nuk kanë reshtur së provuari. E ky mund të jetë ndoshta mesazhi më i mirë në një shoqëri ku pezmatimi apo apatia kanë zënë vend në çdo vatër ku prindërit i nxisin të rinjtë ta gjejnë jetën dhe të drejtën shumë larg prej shtëpivë të tyre.
Ndoshta ka ardhur momenti që të luftojmë në shtëpi dhe t'u themi njerëzve të pushtetit:
