Kryeministri Edi Rama po zhvillon një takim me drejtuesit e gjimnazeve, në një kohë kur protestat në Tiranë vijojnë prej di...
AKTUALITET
"Nuk i tha të gjitha", dyshime në dëshminë e saj, kunata e Alma Arrazit sërish në prokurori
M.B.Përditësimi i fundit 14 Maj 2024, 11:05
Nëna me fëmijët
SHKODRA- Paraditen e sotme rreth orës 09:55 minuta, Valentina Arrazi, kunata e të ndjerës Alma Arrazi, është paraqitur në prokurorinë e Shkodrës. Mësohet se Valentina është thirrur sërish nga prokurori për të dëshmuar mbi takimin e fundit me Alma Arrazin dhe 3 fëmijët e saj.
Po ashtu bëhet me dije se prokuroria dyshon në vërtetësinë e dëshmisë se dhënë herën e parë nga kunata teksa Valentina Arrazi u paraqit në prokurori e shoqëruar nga familjarë.
Para disa ditësh u mësua se autoritetet kanë ndryshuar pistën e hetimeve pasi një kukull e dyshuar se ishte e njërës prej vajzave të Alma Arrazit zbuloi vendin se ku 39-vjeçarja mund të ketë kryer aktin e rëndë.
Në fund të urës së re Bunës, në këmbët poshtë kësaj ure, në një vend me zhavor dhe pemë e shkurre efektivët gjetën kukullën e cila është sekuestruar nga prokuroria dhe është çuar për t’i bërë analizën e AND-së nëse ka apo jo lidhje me njërin prej tre fëmijëve të mbytur të Alma Arrazit.
Kukulla e gjetur në breg poshtë urës, bëri që forcat RENEA nga fshati Darragjat ku u gjet vajza 9-vjeçe të përqëndrojnë kërkimet e tyre në këtë vijë ujore të lumit. Vetëm pak metra më tutje, tek pinarët u gjet trupi i pajetë i vajzës 8-vjeçare.
Jo shumë larg nga pinarët, në një largësi prej afro 2-3 kilometër në afërsi të Oblikës në Anën e Malit u gjet edhe trupi i djalit 4-vjeçar dhe rreth 35 kilometër nga aty përballë fshatit Pentar në ujërat që i përkasin Malit të Zi u gjet edhe trupi i pajetë i Alma Arrazit.
