Ish-zëvendëskryeministrja Belinda Balluku është paraqitur këtë të martë në ambientet e Prokurorisë s...
AKTUALITET
“Nuk ka ndarje polici-krim”/ Abilekaj: Dani i njohur për policinë, efektivi i plagosur i dyshuar për pjesëmarrje në trafiqe
PiranjatPërditësimi i fundit 11 Nëntor 2025, 19:58
Ekzekutimi i fundit mafioz, i ndodhur në një nga akset rrugore më të ruajtura në vend, ka nxjerrë në pah lidhje tronditëse dhe një shkallë të thellë inkriminimi brenda strukturave të Policisë së Shtetit, duke konfirmuar se kufiri mes ligjit dhe krimit është shkrirë pothuajse plotësisht.
I ftuar në emisionin Task Force, gazetari Enton Abilekaj u shpreh se vrasjet mafioze të ndodhura në Shqipëri janë pjesë e një modeli të përsëritur, që ka filluar të tregojë lidhjet e thella midis krimit dhe strukturave të shtetit.
Sipas Abilekajt, ngjarjet e fundit, si atentatet mafioze që ndodhin mesatarisht çdo dy javë, pasqyrojnë një skandal të madh që ka të bëjë me infiltrimin e elementëve kriminalë në institucione që duhet të ishin garanci për ligjin dhe rendin.
Gazetari theksoi se ky fenomen i lidhjes mes krimit dhe policisë është një problem që kërkon një ndërhyrje të menjëhershme dhe një trajtim të thellë të këtij fenomeni të rrezikshëm që ka kapur aparatin shtetëror.
Pjesë nga deklarata:
Po dhe diçka tjetër: një herë në dy javë ndodh një vrasje, domethënë mesatare. Po. Kështu që besoj që dyjavëshi ishte plotësuar; nuk ka asnjë faj ministrja në këtë rast. Po. Polici sigurisht që nuk rri në kuzhinë, por mund të rrijë në makinë me kriminelin dhe ta ndihmojë atë të bëjë gjithçka. Apo jo? Polici që është futur dhe është përfshirë në sistem në mënyrë të dyshimtë, i njohur madje, i dyshuar për pjesëmarrje në trafiqe,
i dyshuar, sigurisht, i dyshuar nga policia për pjesëmarrjen në trafiqe, arrin të depërtojë në agjencinë që kontrollon policinë e shtetit. Domethënë, ata policë që kanë qenë duke e hetuar atë si pjesëmarrës në trafiqe, do të jenë të hetuar nga ky. Ka arritur polici. Aq e vërtetë është kjo sa vetë drejtuesi i AMP-së aktual, i cili ka nisur një hetim dhe një procedurë për shkarkimin e tij, mund ta konfirmonte në qoftë se do të fliste. Po. Sepse këto janë burime të brendshme të AMP-së.
Pra, shiko çfarë kemi. Në raste të tilla, si atentate që ngjajnë me rastet e grupit të Vis Martinajt, ndaj grupit të Vis Martinajt. Dhe duhet thënë që të dyja grupet kishin dhe do të kenë të njëjtët armiq. Vrasje në akse të rëndësishme, të ruajtura me polici, jo vetëm polici kufitare, por polici shteti, Shqiponja, polici e sigurisë së lartë të gjitha llojet e policive janë në këtë aks.
Pra, prezenca e një polici është gjithmonë aty. Aksesi që ata duhet të kenë tek TIMS-i. Sepse për të ditur kur doli, kur do hyjë, sa hyri dhe të tjera, duhet të kesh një akses te TIMS-i më të madh se ç’e ka një polic. Domethënë, TIMS-i është i hapur dhe të thuash: erdhi, iku, shkoi këtu, apo jo?
Pra, të gjitha këto tregojnë që në Shqipëri nuk ka më ndarje fare. Kjo ka ndodhur që nga 2016 në fakt, po tani konfirmohet në çdo ngjarje: mes krimit dhe policisë, policia dhe krimi janë e njëjta gjë. Depërtimi i një njeriu të dyshuar, anëtar i mëparshëm i një bande ky është i njohur si pjesë e grupit të Shullazit. Polici, flasim. Depërtimi i tij në AMP tregon nivelin e bashkimit dhe e përputhjes mes policisë dhe krimit.
Po, punonjësi i AMP-së është punësuar tre muaj më parë në operacionalen e AMP-së. Ka nisur procedura. Po pra, lidhjet e tij të tmerrshme i di policia, se policia e njeh, e njeh personazhin dhe e ka njohur më parë. Kështu që personazhi ka dalë në një media, është përleshur me Saimir Tahirin, është përballur me Saimir Tahirin para 20 vjetësh, kur ai ishte në opozitë dhe i ka thënë: ky ishte i prezantuar si deputet dhe i ka thënë: “kur nuk më ha fare se je deputet”, për shembull. Dhe është i njohur për policinë e shtetit dhe ka depërtuar në nivelin më të lartë të policisë së shtetit. As Saimir Tahiri s’i ka bërë gjë kur ka qenë ministër, asnjëri; madje sot ai ishte në AMP.
Por këtu flasim për të dyja krahët. Në qoftë se krahu i viktimës dhe i grupit që e pësoi kishte këtë akses në policinë e shtetit, u shoqërua nga policia e shtetit, nga operacionali i AMP-së, që është kulmi, niveli më i lartë i kontrollit të policisë së shtetit. Nuk ka kontroll më të lartë se AMP-ja. Në qoftë se AMP-ja është e korruptuar, policia e shtetit, domethënë, është...
Flasim për këtë. Ana pala kundërshtare, ndërkohë që ata kishin këtë akses, ka pasur akoma më shumë akses sesa këta. Përderisa ka pasur këtë informacion dhe ka pasur këtë liri për t’u larguar nga vendi i ngjarjes, për të bërë, si thatë ju, që pasi godet me armë, ka komoditetin të ndalojë, të hapë derën, të bëjë dhe atë, ndërkohë që 100 metra më tutje është policia janë tre policë që ruajnë Rinasin.
100 metra më tutje. 50 metra është komisariati dhe askush nuk lëviz derisa ata të mbarojnë punë, të ikin, nuk ka patrulla dhe të djegin makinën. Atëherë kjo nuk është më “hëngrshin kokat e njëri-tjetrit”.
Kjo është që policia dhe krimi janë shkrirë, sipas rastit, nëpër banda të ndryshme.
