Nuk referonte materialet e aksidenteve të rënda në Prokurori, AMP pezullon nga detyra Nënkomisarin në Vlorë

foto ilustruese

VLORË- Agjencia E Mbikqyrjes Policore ka pezulluar nga detyra Nënkomisari me inicialet M.Q në Vlorë. Mësohet se pas një hetimi disa mujor Nënkomisari me detyrë OPGJ në Sektorin e Trafikut Urban dhe Interurban në Gjirokastër ka shpërdoruar detyrën.

Bëhet me dije se Nënkomisari kur ishte me detyrë në Vlorë, nuk referonte materialet e aksidenteve me pasoja të rënda në Prokurori.

Njoftimi i Policisë:

Vlorë – Agjencia e Mbikëqyrjes Policore (Rajoni Vlorë – Gjirokastër), pas një hetimi disa mujor nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë, ka ekzekutuar sot vendimin e Gjykatës, e cila ka caktuar masën e sigurimit “Pezullim i ushtrimit të një detyre a shërbimi publik” ndaj punonjësit të Policisë, Nënkomisar M.Q. Ai është aktualisht me detyrë OPGJ në Sektorin e Trafikut Urban dhe Interurban në DVP Gjirokastër.

Nga hetimet e kryera ka rezultuar se punonjësi i Policisë në kohën kur ishte me detyrë në DVP Vlorë, nuk referonte materialet proceduriale në Prokurori për raste aksidentesh me pasoja të rënda, duke konsumuar elementë të veprës penale “Shpërdorim i detyrës”.

Vijojnë hetimet për raste të tjera të veprimeve të paligjshme të kryera nga ky punonjës policie.

vlorë