Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Opozita protestë të hënën, Tedi Blushi takim me Berishën në selinë e PD
PiranjatPërditësimi i fundit 13 Nëntor 2025, 12:09
Sekretari i Përgjithshëm i Partisë së Lirisë, Tedi Blushi zhvilloi takim me kryetarin e Partisë Demokratike, Sali Berisha në selinë e demokratëve.
Takimi u zhvillua me qëllim koordinimin e aksionit opozitar, pasi të hënën në orën 18:00, PD dhe aleatët pritet të mbajnë një protestë para kryeministrisë.
Berisha deklaroi ditën e djeshme se opozita do të protestojë para kryeministrisë për shkak se mazhoranca u hoqi të drejtën e fjalës në Kuvend deputetëve të cilët dëshironin të jepnin mendimin e tyre në lidhje me miratimit të ligjit të barazisë ligjore.
“Dita e hënë do të jetë dita e fillimit të parlamentit para Kryeministrisë të qytetarëve dhe parlamentarëve. PD ndërmerr tani një fillim të ri, një analizë të plotë të gjendjes në vend, të situatës, të zgjedhjeve dhe ecën në bindjen më të thellë se diktatura autoritare e Edi Ramës, ka vetëm një rrugë, protestë, protestë dhe vetëm protestë”, – tha Berisha
Pritet që opozita të ngrejë platformë ku do të mbahen fjalime nga deputetë të opozitës, por edhe qytetarë.
Ditën e sotme nuk do të ketë Kuvend për shkak të javës së gjelbërt, ndërsa seanca plenare e rradhës do të mbahet ditën e hënë.
