Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
“Organizatat kriminale shqiptare operojnë brenda SHBA”, gazetari Hoxha: Janë duke u gjurmuar. Një kontroll në Shkodër gjen më shumë dronë se te Ministria
PiranjatPërditësimi i fundit 10 Shtator 2025, 22:02
azetari Artan Hoxha ka folur për shtrirjen dhe fuqinë e organizatave kriminale shqiptare. I ftuar në "Çim Peka LIVE" në SYRI TV, gazetari theksoi se ato nuk janë më thjesht pranë kufijve, por operojnë brenda qyteteve të mëdha të Shteteve të Bashkuara. Hoxha u shpreh se për këtë arsye ata janë kthyer në problem për administratën e re të presidentit Trump, që kërkon ti shkatërrojë dhe shtoi se hetimet për këto struktura vazhdojnë dhe se disa prej tyre janë ende nën gjurmim.
Hoxha theksoi gjithashtu se Prokuroria e Krimeve të Rënda ka bërë hetime të brendshme për organizatat kriminale, duke infiltruar njerëz brenda tyre, ndërsa SPAK sot pret vetëm dosjet dhe përgjimet që vijnë nga jashtë. Gazetari rikujtoi edhe disa ngjarje të viteve të fundit dhe shtrirjen globale të grupeve kriminale. Ai përmendi edhe aspektet logjistike dhe fuqinë e këtyre grupeve kriminale që janë zgjeruar dhe forcuar nën qeverisjen e Edi Ramës.
"Organizatat kriminale shqiptare nuk janë pranë kufirit, por janë brenda. Ne kemi struktura të mirëfillta që trafikojnë kokainë të marrë direkt nga Amerika Latine dhe e trafikojnë brenda qyteteve të mëdha të SHBA, duke filluar nga Majami, Florida, Nju Jork, Los Angjelos dhe deri në Çikago. I kemi atje. Do i dëgjoni më vonë, se janë duke i gjurmuar. Nuk e di nëse do kenë bashkëpunim. E kanë bërë këtë punë nga vitet 2008-2009, kur janë goditur disa organizata shqiptare që merreshin me trafik brenda territorit të SHBA. Tani në këtë prioritet të madh që kanë SHBA, administrata e re, kanë përfshirë edhe pjesën e Shqipërisë.
Dhe unë po them, në gjithë hetimet e deritanishme në Shqipëri, kemi shumë emra që nuk kanë qenë më përpara, nuk janë shpallur në kërkim, sepse nuk kemi dënime akoma. Çuditërisht, ne kemi hetime të nisura kryesisht nga indicie të ardhura nga jashtë. Prokuroria për Krimet e Rënda ka bërë hetime nga brenda dhe sot ka ardhur momenti, që ta them me plot gojën, që ata kanë bërë hetime vetë. Kanë patur të infiltruar brenda organizatave, kanë kryer hetime, përgjime brenda territorit. Nuk kanë pritur tekste që kanë ardhur.
Sot po i dëgjoni ju Çopjat, unë kam që në 2018 që flas, para 7 vitesh kur nuk i njihte askush, zero. Ngjarjet që ndodhnin nga Elbasani në Durrës, i lidhnin me grabitjet në Rinas, por unë ju thoja jo, ka dalë një operator i ri në treg, i cili po shkaktonte një seri atentatesh. Vetëm në 6 janë, kjo organizatë ka kaluar 32 ton dhe këtë e kam marrë vesh në Belgjikë. Prokurori federal belg thoshte se, për 6 javë kanë marrë 3 ngarkesa, 32 ton dhe nuk i ka kapur policia.
Ti sot bën një kontroll rutinë në Shkodër dhe gjen më shumë dronë se Ministria e Brendshme. E kupton se çfarë logjistike kanë këta. Pse nuk kishin këtë fuqi para 2013. Nga buroi kjo fuqi, kjo shtrirje globale e tyre. Ne sot kemi grupe që janë nën hetim, që i heton SPAK që nuk është kapur asnjë gram në Shqipëri. Ai 28 tonshi e kanë kapur gjermanët dhe rrezik ata kanë dalë nga burgu tani, dhe tani i hetojmë prap," deklaroi Hoxha.
