DashiJe në një pozicion tani që po të bën nervoz. Je si një zhytës në një platformë të lartë q&eum...
AKTUALITET
Përdorimi i kanabisit për qëllime mjekësore! Botohet në Fletoren Zyrtare miratimi i zonave kadastrale, ku do lejohet kultivimi i lëndës narkotike
r.llPërditësimi i fundit 6 Mars 2025, 18:08
foto ilustruese
TIRANË- Këshilli i Ministrave miratoi vendimin për miratimin e zonave kadastrale në të cilat lejohet kultivimi i bimës së kanabisit për qëllime industriale.
Ky hap vjen pas miratimit të ligjit nr. 61/2023, i cili ka për qëllim kontrollin dhe rregullimin e kultivimit dhe përpunimit të bimës së kanabisit, duke hapur mundësi për zhvillimin e një industrie të re që mund të sjellë përfitime ekonomike dhe shëndetësore për vendin.
NJOFTIMI I PLOTË:
VENDIM PËR MIRATIMIN E ZONAVE KADASTRALE NË TË CILAT LEJOHET KULTIVIMI I BIMËS SË CANNABIS-IT PËR QËLLIME INDUSTRIALE
Në mbështetje të nenit 100 të Kushtetutës dhe të pikës 3, të nenit 12, të ligjit nr.61/2023, “Për kontrollin e kultivimit dhe përpunimit të bimës së cannabis-it dhe prodhimit të nënprodukteve të saj për qëllime mjekësore dhe industriale”, me propozimin e ministrit të Bujqësisë dhe Zhvillimit Rural, Këshilli i Ministrave
Miratimin e zonave kadastrale në të cilat lejohet kultivimi i bimës së cannabis-it për qëllime industriale, sipas shtojcave, që i bashkëlidhen këtij vendimi dhe janë pjesë përbërëse të tij.
Ushtrimin e aktivitetit të kultivimit të bimës së cannabis-it për qëllime industriale, në përputhje me kufizimet e përcaktuara në vendimin nr.50, datë 22.1.2025, të Këshillit të Ministrave, “Për miratimin e standardeve për zonat dhe parcelat e tokës në të cilat do të lejohet kultivimi i bimës së cannabis-it për qëllime mjekësore dhe industriale”.
Ngarkohen Ministria e Bujqësisë dhe Zhvillimit Rural, Ministria e Shëndetësisë dhe Mbrojtjes Sociale, Ministria e Brendshme, Agjencia Kombëtare e Kontrollit të Cannabis-it dhe subjektet e lejuara për zbatimin e këtij vendimi.
Ky vendim hyn në fuqi pas botimit në “Fletoren zyrtare”.
