Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Përplasi 3 makina policie ditën e djeshme në Tiranë dhe plagosi 2 efektivë, në pranga 42-vjeçari Enis Vrapi
M.B.Përditësimi i fundit 24 Maj 2025, 11:30
TIRANA- Policia e Tiranës, ka arrestuar 42-vjeçarin Enis Vrapi pasi ditën e djeshme, ka rrezikuar jetën e efektivëve duke përplasuar 3 automjetet e tyre, me mjetin që drejtonte. Bëhet me dije se ngjarja ndodhi pas një incidenti të raportuar në QSUT rreth orës 9:00. Gjatë tentativës për tu larguar nga spitali 42-vjeçari qëlloi me një pistoletë me gogla një mjeke.
Gjatë aksionit për kapjen, ai përplasi 3 makina policie, ku si pasojë gjatë përplasjes u dëmtuan lehtë edhe 2 punonjës të qarkullimit rrugor. Gjithashtu ditëne djeshme u raportua se 42-vjeçari kishte qenë i shtruar në spitalin piskiatrik për shkak të problemeve të shëndetit mendor.
Njoftimi:
Specialistët për Hetimin e Krimeve të Komisariatit të Policisë Nr. 4 arrestuan shtetasin E. V., 42 vjeç, pasi ditën e djeshme, ka rrezikuar jetën e punonjësve të Policisë, duke përplasuar 3 automjetet e tyre, me automjetin që drejtonte, ku si pasojë, u dëmtuan lehtë 2 punonjës policie të qarkullimit rrugor, ka qëlluar me pistoletë lodër një mjeke të QSUT-së, si dhe ka kundërshtuar me dhunë një punonjës SHPSF.
Gjatë kontrollit të banesës dhe të automjetit të tij, iu gjetën sasi municioni për armë zjarri dhe armë gjahu, armë të ftohta dhe pjesë përbërëse arme.
