Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
Përplasi me motorr turisten nga Nepali, gjykata e Beratit cakton "arrest në shtëpi" për 20-vjeçarin, masa i komunikohet në spital
r.llPërditësimi i fundit 8 Qershor 2024, 17:18
pamje nga aksidenti
BERAT- Gjykata e Shkallës së Parë të Jurisdiksionit të Përgjithshëm Berat ka caktuar masën e sigurisë “arrest shtëpie” për 20-vjeçarin Emilio Zema. Ky i fundit para tre ditësh përplasi me motorr turisten 33-vjeçare nga Nepali. Masa e sigurisë është kryer në ambjentet e Spitalit Rajonal Berat, ku Emiljo Zema është i shtruar dhe nën kujdesin e mjekëve, pas plagëve të marra nga aksidenti.
Nga këqyrja e dinamikës së aksidentit, 20-vjeçari ka rezultuar se ishte duke qarkulluar me shpejtësi jashtë normave të lejuara, ku turistja i ka prerë rrugën motorrit në përpjekje për të kaluar në anën tjetër të rrugës, pa qenë në vijat e bardha dhe duke vlerësuar edhe dëmtimet e marra nga të dyja palët, prokurori Eni Culli i ka kërkuar gjykatës vlerësimin të ligjshëm të arrestimit të tij për vepren penale “Shkelje të rregullave të qarkullimit rrugor” dhe caktimin e masës së sigurisë “arrest shtëpie”.
Pasi ka dëgjuar organin e akuzës si dhe pretendimet e avokatit mbrojtës të 20-vjeçarit, gjyqtarja Lumturi Zhupa,ka vlerësuar “të ligjshëm” arrestimin e shtetasit Emilio Zema dhe ka caktuar për të masën e sigurisë “arrest shtëpie”. Turistja e aksidentuar ndodhet në spitalin e Traumës në kryeqytet jashtë rrezikut për jetën.
