Plagosja e dy kushërinjve në Thumanë, reagon policia: Shkak i konfliktit një sipërfaqe toke

Thumane

KRUJË- Një konflikt ka agravuar mbrëmjen e sotme në Thumanë e cila degradoi deri në përdorimin e armëve. Nga ngjarja u plagosën dy persona ndërsa policia ka dalë më një njoftim zyrtar.

Policia bën me dije se ngjarja ka ndodhur në afërsi të një fabrike çimentoje në Mamurras, gjatë një konflikti për motive pronësie. Nga të shtënat kanë mbetur të plagosur një punonjës policie dhe një person tjetër. Dy të plagosurit mësohet se janë kushërinj më njëri-tjetrin. 

Më tej raportohet se ata janë dërguar në spital ndërsa janë nën kujdesin e mjekëve. Ndërkohë grupi hetimor po punon për sqarimin e rrethanave të ngjarjes. 

Krujë/Informacion paraprak/ Më datë 25.07.2024, në afërsi të një fabrike çimentoje në Mamurras, gjatë një konflikti për motive pronësie (për një sipërfaqe toke) janë plagosur me armë zjarri shtetasit S. A. (S)., (punonjës Policie jashtë shërbimit) dhe A. S., kushurinj me njëri-tjetrin.

Si pasojë të dy shtetasit janë dëmtuar dhe ndodhen në spital, nën kujdesin e mjekëve. Grupi hetimor po punon për sqarimin e rrethanave të ngjarjes.

Në vijim të informacionit paraprak të dhënë pak më parë, ju njoftojmë se është paraqitur në spital për ndihmë mjekësore, shtetasi F. S., dyshohet i plagosur me armë zjarri gjatë konfliktit, dhe aktualisht ndodhet nën kujdesin e mjekëve. Grupi hetimor po punon për sqarimin e rrethanave të ngjarjes.

thumane te shtena