Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Protesta për mungesën e ujit në Vlorë, Tabaku: Qytetarët vuajnë për minimumin jetik
PiranjatPërditësimi i fundit 28 Dhjetor 2025, 21:46
Qytetarët e Vlorës dolën sot në protestë për shkak të mungesës së ujit të pijshëm, që vazhdon prej tre ditësh në qytet. Dhjetëra banorë u mblodhën para Teatrit “Petro Marko”, pikërisht në kohën kur Bashkia po organizonte një festë për punonjësit e saj.
Deputetja, Jorida Tabaku ka reaguar, duke e cilësuar situatën si “tragjikomike” në një kohë kur qeveria, sipas saj, pretendon se ka përmbushur standardet europiane për integrimin e vendit.
Sipas Tabakut, është e papranueshme që në Vlorë, një qytet i rrethuar nga burime natyrore uji, qytetarët të vuajnë për një shërbim bazë jetik si uji i pijshëm.
Reagimi i Tabakut:
Të vuash për ujë në epokën e “qeverisë Diella”, në kohën e një kryeministri që pretendon se ka përmbushur të gjitha kushtet e integrimit europian, është tragjikomike.
Në Vlorën e ujit sa nga malet edhe nga deti nuk ka ujë. Në qytetin që ka pasur kryeministrin për 8 vite deputet, prej 4 ditësh mungon uji. Ndërsa njerëzit arrestohen përse protestojnë për një standart minimal njerëzor.
Ky është standardi europian për të cilin flasim! Ujë dhe e drejta protestës!
Një Shqipëri e vjedhur nuk është Shqipëria e shumicës, por e një pakice të privilegjuar.
