Një profesor matematike në Universitetin e Patrës në Greqi ka vendosur një rregull të pazakontë për provimet e shtator...
AKTUALITET
Protesta te Kryeministria/ Boçi: Rama i kapur me presh në duar! Ja synimi i PD-së
PiranjatPërditësimi i fundit 10 Shkurt 2026, 17:20
Nënkryetari i Partisë Demokratike, Luçiano Boçi, ka deklaruar pak para protestës së thirrur këtë pasdite te Kryeministria, se ‘Edi Rama është i kapur me presh në duar.’
Sipas tij, përpos skandaleve të publikuara deri më tani, Rama ka afera të tjera ku përfshihet ai dhe rrethi i tij i ngushtë, dhe paratë e vjedhura përdoren për blerje votash dhe lobim të pistë.
Për këtë ai thotë se PD, do të ketë një cikël protestash derisa të arrijë qëllimin kryesor që sipas tij është rrëzimi i Ramës.
“Sot jemi në këtë protestë, në një cikël protestash që duan të krijojnë qëndrueshmëri për të arritur më pas në një fazë palëvizshmërie deri në arritjen e qëllimit kryesor. Kërkesa vjen për shumë arsye, ka arsye të shtuara. Rama është kapur jo thjesht me presh në duar por kërkon që këtë pras ta shesë si spektër fuqie”, tha Boçi.
“Ka afera të tjera ku Rama del më i plotë në kapjen e tij me presh në duar, në korrupsionin galopant, është AKSHI ku është i përfshirë Rama, rrethi i tij i ngushtë familjar, jo familjar, dhe ku më herët PD ka denoncuar me fakte që AKSHI është kopshti privat i Ramës. Gjithçka ku ka para, ku janë miliona dhe miliarda euro është emri i Ramës. Jo më kot nga raportet është përcaktuar që Rama nga kjo xhiro financash në Shqipëri është përfitues i 14 miliardë eurosh, të përdorura pastaj për blerje votash, për lobim të pistë, për çdo gjë të pistë që ka ndodhur për të shitur Shqipërinë”, vijoi ai.
