Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Punimet në aksin Vorë-Ura e Dajlanit, plani i ARRSH për menaxhimin e trafikut
PiranjatPërditësimi i fundit 15 Tetor 2025, 07:22
Për shkak të ndërhyrjeve për riparimin e shtresave asfaltike në segmentin rrugor Vorë–Ura e Dajlanit, Autoriteti Rrugor Shqiptar (ARRSH), në bashkëpunim me Policinë e Shtetit, ka hartuar një plan të ri menaxhimi të trafikut në autostradën Tiranë–Durrës.
Sipas njoftimit të Ministrisë së Infrastrukturës dhe Energjisë, duke filluar nga nata e djeshme 14 tetor, nga ora 23:00 deri në 06:00 të mëngjesit, ka pasur bllokim të qarkullimit në drejtimin Vorë–Durrës, përkatësisht në këto segmente:
Vorë–Maminas
Maminas–Sukth
Sukth–Fllakë
Fllakë–Mbikalimi i Shkozetit
Mbikalimi i Shkozetit–Ura e Dajlanit
Punimet pritet të zgjasin 1–2 ditë për çdo segment, ndërsa gjatë orëve të ndërhyrjes përdoruesit e rrugës duhet të përdorin itinerarin alternativ Vorë – Maminas – Katër Rrugët e Shijakut – Durrës.
Pas përfundimit të punimeve në krahun Vorë–Durrës, ndërhyrjet do të vijojnë edhe në krahun tjetër, Ura e Dajlanit–Vorë, me të njëjtin plan dhe kohëzgjatje.
ARRSH thekson se ndërhyrja është e domosdoshme për rehabilitimin e aksit më të rëndësishëm rrugor të vendit dhe kërkon mirëkuptimin e qytetarëve, duke i ftuar të zgjedhin rrugët alternative për të lehtësuar trafikun gjatë punimeve./Monitor
