Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
Qarkullonte me biçikletë dhe thyente xhamat e automjeteve ku më pas vidhte sendet personale, 37-vjeçari bie në pranga
PiranjatPërditësimi i fundit 24 Tetor 2025, 09:43
Policia e Durrësit ka finalizuar operacionin "Refleksi", i cili çoi në arrestimin e një 37-vjeçari nga Tirana, i dyshuar si autor i disa vjedhjeve me thyerje të automjeteve në qytetin bregdetar.
Sipas informacionit të policisë, i arrestuari, i identifikuar si V. K., qarkullonte me biçikletë në lagje të ndryshme të Durrësit, ku thyen xhamat e automjeteve dhe vidhte sende personale, para dhe pajisje elektronike. Pasi kryente vjedhjet, ai përdorte automjetin e tij për të transportuar dhe fshehur sendet e vjedhura.
Gjatë operacionit, ai u kap në flagrancë nga forcat e rendit, teksa tentonte të vidhnte një tjetër automjet. Policia ka nisur hetimet për të zbardhur të tjera detaje lidhur me aktivitetin e tij kriminal dhe për të përcaktuar nëse ai ka qenë i përfshirë edhe në vjedhje të tjera të ngjashme.
Njoftimi i policisë:
Finalizohet operacioni policor i koduar “Refleksi”, për zbardhjen e vjedhjeve të ndodhura më parë.
Qarkullonte me biçikletë në lagje të ndryshme të qytetit të Durrësit, thyente xhamat e automjeteve dhe vidhte sendet personale të drejtuesve të automjeteve, dhe më pas përdorte automjetin e tij për të fshehur e transportuar sendet e vjedhura, identifikohet dhe vihet në pranga autori.
37-vjeçari nga Tirana, autori i 5 vjedhjeve me thyerje, dyshohet se ka kryer edhe disa vjedhje të tjera, ku vijon puna për zbardhjen e tyre.
Në vijim të punës për parandalimin e vjedhjeve, zbardhjen e atyre të ndodhura më parë, identifikimin dhe kapjen e autorëve, shërbimet e Komisariatit të Policisë Durrës, pas një pune të gjatë hetimore, bazuar edhe në informacionet e marra në rrugë operative dhe nga administrimi i pamjeve filmike, organizuan dhe finalizuan operacionin policor të koduar “Refleksi”.
Në kuadër të operacionit u bë kapja në flagrancë, në tentativë për të vjedhur në një automjet, dhe u vu në pranga shtetasi V. K., 37 vjeç, banues në Tiranë.
Nga veprimet hetimore ka rezultuar se ky shtetas është autor i disa vjedhjeve me thyerje të automjeteve, të ndodhura në lagjet nr. 6, 8 dhe 12 të qytetit të Durrësit.
Ky shtetas ka vjedhur në 5 automjete, në pronësi të shtetasve Xh. B., J. B., S. Q., L. K. dhe Xh. M., shuma parash, laptopë dhe sende të tjera personale të drejtuesve të këtyre automjeteve.
Në bashkëpunim me Prokurorinë vijojnë veprimet hetimore për zbardhjen dhe dokumentimin me prova ligjore edhe të disa vjedhjeve të tjera të ndodhura më parë, që dyshohet se janë kryer nga ky shtetas.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
