Deri në muajin qershor 2026 stoku i numrit të shtetasve të huaj të punësuar në vend arriti në 22,6 mijë individë ...
AKTUALITET
Qindra efektivë ranë pre e skemave piramidale. Dy qarqet me numrin më të lartë të policëve të mashtruar
PiranjatPërditësimi i fundit 23 Shtator 2025, 22:04
Skemat piramidale online nuk mashtruan vetëm qytetarët, por edhe vetë Policinë e Shtetit. Qindra efektivë policie të rolit bazë kryesisht inspektorë investuan para në këto skema mashtrimi.
Sipas A2CNN, efektivë policie sidomos të qarkut të Tiranës dhe Lezhës ashtu si shumë qytetarë janë mashtruar nga skemat piramidale online, me shpresën se duke investuar në to do të përfitonin më shumë para.
Pas zbulimit të skemave të mashtrimit siç ishte XUEX kanë qenë vetë efektivët që kanë denoncuar në sektorin e krimit kibernetik personat që drejtonin këto skema mashtruese.
Tashmë hetimet e policisë për goditjen e bazave të grupeve të skemave piramidale online janë shtrirë në të gjithë vendin. Këtë të hënë u arrestua edhe Ereledio Shebeku.
Sipas policisë, 35-vjeçari dyshohet si organizatori kryesor për zonën e Divjakës në lidhje me organizimin e këtyre skemave, ndërsa në kërkim vijon të jetë partnerja e tij.
Ndërkohë, mësohet se bazat kryesore të skemave piramidale nuk janë vetëm në Divjakë dhe qarkun e Fierit, ku u zhvillua operacioni i fundit, por po hetohen nga Drejtoria e Krimit Kibernetik edhe grupe më të mëdha të skemave piramidale online, kryesisht në Tiranë, por edhe në qytete të tjera të vendit dhe së shpejti priten arrestime të tjera.
