Dhunimi fizik që tre vëllezërit nga Tropoja i bënë të paraburgosurit Petrit Çakri, në sy të gjyqtarit të p...
AKTUALITET
Qytetari ultimatum Ramës nga protesta: Dorëhiqu, përndryshe do të tërheqim zvarrë
PiranjatPërditësimi i fundit 19 Qershor 2026, 20:29
Tonet në protestën kundër qeverisë janë ashpërsuar këtë mbrëmje, teksa një qytetar nga Bulqiza i ka drejtuar një ultimatum kryeministrit Edi Rama gjatë fjalës së tij para protestuesve.
Nga podiumi i ngritur përpara Kryeministrisë, ai iu drejtua kreut të qeverisë me kritika të forta, ndërsa u bëri thirrje të rinjve të vijojnë mobilizimin dhe të mos tërhiqen nga kauza e tyre.
“Kjo rini e bukur, o torollak kryeministër, ti kujton se këtë rini e mposht? Por jo. Sepse këta e kanë prejardhjen prej Isa Boletinit, prej Ismail Qemalit, prej Avni Rustemit”, deklaroi ai.
Më tej, qytetari nga Bulqiza u bëri thirrje të rinjve dhe vajzave pjesëmarrëse në protestë që të vazhdojnë angazhimin e tyre kundër qeverisë.
“Ju bëj thirrje kësaj rinie të bukur dhe këtyre vajzave që janë si Shote Galica të mos e ndalojnë këtë kauzë, por t’i japin një ultimatum këtij qerratai se ky ka lajthit”, tha ai.
Në fund të fjalës së tij, protestuesi paralajmëroi se nëse kryeministri nuk largohet nga detyra, reagimi i qytetarëve do të përshkallëzohet.
Deklarata u prit me duartrokitje dhe brohoritje nga një pjesë e protestuesve të mbledhur para Kryeministrisë, ku për të 20-ën ditë me radhë vijojnë thirrjet për dorëheqjen e Edi Ramës dhe largimin e qeverisë.
