Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
'Rama e ka futur Shqipërinë në llum'/ Shehaj: Kriminalizoi shoqërinë, arsimin dhe biznesin
PiranjatPërditësimi i fundit 30 Dhjetor 2025, 10:40
2026 do të jetë një vit i rëndësishëm sa i takon daljes në dritë të skemave të gjera korruptive që kanë prekur jo vetëm sektorët strategjikë të vendit por dhe sigurinë kombëtare.
Ky është paralajmërimi i ekspertes së ekonomisë Brisida Shehaj në një intervistë me ‘Kafe Shqeto’ në Syri Tv.
“Fillimi i janarit do të ketë dosje edhe më të forta. Dosjet që do të pasojnë, dhe denoncimet kanë të bëjnë jo me emrin se vetëm një emër ka. Ai është Edi Rama por do të jenë denoncime publike të nivelit të llumit ku e ka futur Shqipërinë. Nivelit të pazarave ndërkombëtare ku e ka futur Shqipërinë, të nivelit të rrezikshmërisë që ne kemi në marrëdhënie me partnerin tonë kryesor SHBA' thotë ajo.
Shehaj komenton dhe NDAA26, Akti i Autorizimit të Mbrojtjes Kombëtare të Shteteve të Bashkuara për vitin fiskal 2026 që ka kaluar Kongresin dhe është nënshkruar në ligj më 18 dhjetor 2025 nga Presidenti Donald Trump. Ajo nënvizon se ligji është sinjal i qartë kundër influencës në rritje të investimeve ruso-kineze dhe se ky fokus i ri amerikan pritet të nxjerrë në pah pazare ndërkombëtare dhe afera që kanë kompromentuar sovranitetin dhe interesat e Shqipërisë.
"Për ne është e rëndësishme sepse nga ai ligj kuptohet fare qartë që Amerika ka një përqëndrim shumë të madh për rajonin e Ballkanit, ku bëjmë pjesë edhe ne. Aty kishte një fjali në lidhje me investimet ruso-kineze në Ballkan, e këtu përfshihet dhe Shqipëria.
Unë mendoj që 2026-ta do jetë një vit shumë i rëndësishëm. Pikërisht për këto lloj investimesh, për këto lloj llokmash dhe qokash çfarë ka bërë Edi Rama dhe ku i ka bërë Edi Rama. Dhe fokusi që do ketë kjo administratë e Trump-it në lidhje me këto çështje është shumë e rëndësishme për ne."
Periudha e ardhshme, konsiderohet vendimtare jo vetëm për fatin e individëve të caktuar, por për të ardhmen e vetë shtetit. Përpjekjet tashmë janë përqendruar në shpëtimin e sektorëve strategjikë, si ai energjetik dhe siguria kibernetike, të cilët janë konsideruar si “masakruar” nga keqqeverisja dhe korrupsioni.
"Një nga shqetësimet kryesore të ngritura është fenomeni i “kriminalizimit të biznesit”. Ky ndërthurje ka arritur në nivele alarmante, aq sa grupet kriminale i konsiderojnë tenderët publikë si një burim fitimi më të sigurt dhe më fitimprurës sesa trafiku i narkotikëve."
“Unë mendoj që ky 90-ditëshi, 180-ditëshi dhe 360-ditëshi do jetë shumë i rëndësishëm pikërisht që ne të kemi mundësi të rekuperojmë të gjitha masakrat dhe të gjitha llumnajat që po kryhen në sektorët kryesorë.
Dhe një sektor i tillë strategjik dhe shumë i rëndësishëm për sigurinë e vendit, siç është edhe pjesa kibernetike. Unë nuk jam nga ata njerëz që mendoj që duhet të na vijnë amerikanët të bëjnë vendin tonë.
Siç mendoj që çdo qeveri largohet me votë, siç mendoj që ne si popull duhet të reagojmë, por në këtë lloj apatie, kur bashkëpunimi me aleatët strategjikë bëhet që ti të hapësh sytë dhe të lexosh se ç'shkruante Belinda Balluku për Bashkim Ulaj për shembull. Unë nuk e di, ai Bashkim Ulaj si e sheh veten në pasqyrë ku çohet në mëngjes.
Të kriminalizosh biznesin e madh, do të thotë, përveç kriminalizimit të shoqërisë, përveç mungesës së arsimit, përveç mungesës së shëndetësisë, kur ti kriminalizon edhe biznesin që është motorri I ekonomisë së një vendi,është fundi.”
