Rrëmbimi dhe vrasja e Jan Prengës/ Dritan Rexhepi dëshmon në GJKKO: Kam qenë në burg në Ekuador asokohe, gjithçka e mora vesh nga familja

jan prenga, dritan rexhepi

TIRANË- Dritan Rexhepi po dëshmon sot për herë të parë në seancën në Gjykatën e Posaçme për rrëmbimin dhe vrasjen e Jan Prengës. Rexhepi është shprehur se asokohet ka qenë burg në Ekuador i dënuar me 13 vjet për trafik droge.

Për Gentian Doçajn, i dyshuar si urdhëruesi i pengmarrjes së Prengës, Rexhepi ka deklaruar se ka dëgjuar për të vetëm në media dhe në dosjen që ka lexuar. Ai është se nuk ka pasur asnjë njohje tjetër me të dhe gjithashtu nuk njeh as Martin Bletë dhe Korado Gështenjën.  

Rexhepi ka mohuar të ketë pasur dijeni gjithashtu edhe për vjedhjen e drogës në portin Portsmouth në Londër, dhe se për gjithçka është informuar nga familja dhe mediat shqiptare

"Në fundin e vitit 2019 kam qenë jashtë Shqipërisë. Kam qenë në burg në Ekuador, kam qenë i dënuar 13 vite për trafik droge. Ju do më pyesni për çështjen apo do me bëni gjyq moral? Kisha 5 vite e 4 muaj qe vuaja dënimin. Kisha kontakte me njerëzit jashtë përmes kabinës së burgut. Shqiptarë aty kishte plot në burg, afërsi kisha me njërin nga Kosova. Per trafik droge u akuzova me 10 persona të tjerë, në atë kohë i përfshirë ishte edhe një shqiptar. Ai doli i pafajshëm. Gentian Doçaj ( Funiqi) e kam dëgjuar në media dhe në dosjen qe kam lexuar. Emri nuk më thotë gjë. Më ka sjell avokatja dokumentat nga burgu i Firencez, ku thuhet se unë dhe ai nuk kemi qenë në të njejtin sektor. Me Gentjan Funiqin nuk kam pasur njohje, kurrë në jetë. Martin Bleta nuk e kam të dëgjuar, as Korado Gështenja. Nga burgimi nuk kam bërë asnjë lloj bashkëpunimi për të dhënë para lidhur me trafikun e drogës. Në fund të vitit 2019 nuk kisha informacion për vjedhjen e nje sasie droge në portin Portsmouth të Londrës. E mora vesh nga mediat në Shqipëri. Kam dëgjuar nga familjarët e mi që në Shqipëri akuzohesha për diçka qe kishte ndodhur në Shqipëri.", është shprehur Rexhepi në dëshminë e tij. 

Jan Prenga u rrëmbye në 17 janar 2020. Në nëntor 2020, SPAK sqaroi se nga hetimi kishte rezultuar se të pandehurit Dritan alias Gromos Rexhepi dhe Gentjan Funiqi (Doçaj) me precedentë penalë në fushën e narkotikëve, në fund të muajit dhjetor 2019 kanë urdhëruar rrëmbimin e viktimës Jani Prenga në Kamëz më 17 Janar 2020. Si bashkëpunëtorë në rrëmbimin dhe zhdukjen e Prengës akuzohen dhe Martin Bleta, Korado Keshteja, Artan Doçaj, Aldo Majnishta, Geraldo Martini dhe Altin Hajri, ky i fundit pronari i kompleksit “Golden Resort” në Shijak, ku u rrëmbye dhe u pa për herë të fundit Jan Prenga.

Për zbardhjen e ngjarjes së ndodhur më 17 janar në Kamzë, hetuesit shqiptarë zbuluan përgjimet telefonike nga Ekuadori, lidhur me sasinë e kokainë që do të transportohej nga Amerika Latine në Britani. Kokaina u mor për t’u transportuar nga vëllai i viktimës, Astrit Prenga, i cili nuk e dorëzoi kurrë dhe në formë hakmarrje u vendos rrëmbimi dhe më pas vrasja e Jan Prengës.

dritan rexhepi rrembimi i jan prenges gjkko