Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Më datë 22.07.2026, rreth orës 08:25, në varrezat e fshatit Morinë është gjetur pa shenja jete shtetasi Sh. H., 35 vje&cced...
AKTUALITET
'Rruga e amortizuar prej vitesh', banorët e fshatit Gjerbës: As fëmijët nuk vijnë të na vizitojnë
PiranjatPërditësimi i fundit 4 Shkurt 2026, 09:16
Fshati Gjerbës në bashkinë Mallakastër po përballet me një problem serioz të infrastrukturës: mungesën e rrugës, e cila ka çuar në shpopullimin gradual të zonës.
Banorët tregojnë se krahu i punës ka emigruar prej vitesh dhe shumë prej tyre nuk kthehen më as për vizita tek familjarët, për shkak të rrugës tërësisht të amortizuar.
Rruga në fjalë, e gjatë rreth 5 kilometra, nuk ka njohur investime për më shumë vite.
Gropa të shumta, baltë në dimër dhe pluhur në verë e bëjnë pothuajse të pamundur qarkullimin. Banorët theksojnë se e kanë të vështirë të shkojnë drejt Ballshit, qoftë për pazar, shërbime shëndetësore apo raste urgjente.
Edhe pse problemi është i dukshëm, shumë banorë hezitojnë të flasin para kamerave, nga frika e pasojave dhe mungesa e besimit se zëri i tyre do të dëgjohet. “Rrugë duam, por nuk e kërkojmë më hapur”, thonë ata.
Sipas banorëve, pushtetarët shfaqen vetëm gjatë fushatave elektorale, ndërsa pas zgjedhjeve premtimet harrohen dhe kërkesat mbeten pa përgjigje.
Dikur fshati kishte rreth 150 shtëpi, ndërsa sot janë pak më shumë se 50 shtëpi të banuara.
Një fshat i tërë i lënë në harresë, ku mungesa e një rruge është bërë arsye kryesore për braktisjen dhe zhdukjen graduale të komunitetit.
