Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
AKTUALITET
Samiti global FII PRIORITY në Tiranë/ Samir Mane, sipërmarrësi i vetëm nga Shqipëria i ftuar në panelin e diskutimeve mes figurave më të njohura globale
m.lPërditësimi i fundit 17 Maj 2025, 16:34
TIRANA- Kryeqyteti shqiptar organzoi një nga forumet më prestigjioze ndërkombëtare, FII PRIORITY Europe. Ky forum u zhvillua për herë të parë në Tiranë më 16–17 maj 2025 duke mbledhur së bashku liderë botërorë nga fusha të ndryshme, qeveri, ekonomi, shkencë, teknologji dhe filantropi, për të diskutuar prioritetet globale që formësojnë të ardhmen, në një moment vendimtar për njerëzimin.
Fokusi kryesor i edicionit evropian të FII PRIORITY është: Renditja e prioriteteve për një të ardhme më të qëndrueshme, më të drejtë dhe më të begatë.
Samir Mane, President i Grupit BALFIN, ishte përfaqësuesi i vetëm nga Shqipëria i ftuar zyrtarisht në panelin e diskutimeve midis figurave më të njohura globale. Ai mori pjesë në panelin kryesor të titulluar “Bordi i Ndryshuesve: A mund ta Lidhë Kapitali një Botë të Fraksionuar?”, duke ndarë skenën me liderë ndërkombëtarë në politikë dhe financë. Gjatë samitit, ai zhvilloi takime dhe biseda me personalitete të nivelit të lartë si Matteo Renzi, ish-kryeministër i Italisë, Bernard Mensah, President i Bank of America International, Henri Poupart-Lafarge, Drejtor Ekzekutiv i Alstom, etj.
Pjesëmarrja e Mane në panelet e diskutimit si përfaqësues i zërit të biznesit të rajonit në këtë ngjarje nxjerr në pah rolin e tij personal, por edhe rëndësinë e rajonit në zhvillimet e ardhshme në Evropë dhe më gjerë. Samiti FII PRIORITY Europe është pjesë e një serie forumesh globale që promovojnë dialogun ndërsektorial dhe nxisin veprime konkrete për të adresuar sfidat më urgjente të kohës sonë, duke përfshirë ndryshimet klimatike, zhvillimin e qëndrueshëm dhe transformimin teknologjik.
