Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
Sherri nisi në TikTok! Del nga intubimi 15-vjeçari, u plagos me thikë në zemër nga bashkëmoshatari
PiranjatPërditësimi i fundit 29 Nëntor 2025, 20:02
Adoleshenti i cili u plagos pak ditë më parë nga një bashkëmoshatar në Durrës ka kaluar fazën kritike dhe sot ka dalë nga intubimi. Ngjarja u shënua më 25 nëntor, ku pas një konflikti të nisur në rrjetet sociale, konkretisht për një koment në platformën TikTok, 14-vjeçari qëlloi 4 herë me thikë bashkëmoshatarin duke i shkaktuar plagë të rënda.
Pas plagosjes, i mituri është dërguar me urgjencë në spital, ku iu nënshtrua një operacioni të menjëhershëm për shkak të plagës që kishte në zemër. Mjeku kirurg Fitim Shini, i cili është duke u kujdesur për të, në një prononcim për mediat shpjegoi se gjendja shëndetësore e të miturit ishte e rëndë. Pas operacionit, ai u vendos në reanimacion, por fatmirësisht ka dalë nga intubimi.
Autori, 14-vjeçar ka shprehur pendesë përpara grupit hetimor, ku me keqardhje deklaroi se nuk kishte qëllim për të vrarë 15-vjeçarin. Sipas dëshmisë mësohet se në sherr janë përfshirë shumë persona, bashkëmoshatarë, të ndarë në grupe. I mituri deklaroi se ishin pajisur me mjete të forta, si masë për ndonjë konflikt të mundshëm.
Ditën e ngjarjes, pasi kanë debatuar dhe qëlluar me sende të forta, 14-vjeçari ka nxjerrë thikën, por sipas tij për vetëmbrojtje dhe vetëm për ta trembur
