Shpërthen lënda plasëse në katin e katërt të një pallati në Elbasan, dëmtohet 26-vjeçari

Foto ilustruese

ELBASAN- Një shpërthim lënde plasëse është regjistruar në orën 02:30 në lagjen "Haxhias" në Elbasan në koridorin e katit të 4-t të një pallati në derën e hyrjes në pronësi të 59-vjeçarit me inicialet B. B. Në këtë apartament jetonin me qira 2 pesona, dhe si pasojë e shpërthimit ka mbetur i plagosur një 26-vjeçar i cili momentalisht është jashtë rrezikut për jetën.

Njoftimi:

Rreth orës 02:30, në lagjen "Haxhias", në koridorin e katit të 4-t të një pallati në derën e hyrjes në pronësi të shtetasit B. B., 59 vjeç, në të cilën jetonin me qira dy shtetase ka shpërthyer një sasi lënde e dyshuar plasëse.

Si pasojë janë shkaktuar dëme materiale. Ndërkohë po nga shpërthimi është dëmtuar aksidentalisht nga dera e dhomës së tij shtetasi E. Th., rreth 26 vjeç, i cili banon në hyrjen përballë. 26-vjeçari momentalisht është jashtë rrezikut për jetën.

Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e rastit, identifikimin e kapjen e autorit/ve.

elbasan