Deklaratat e Edi Ramës, i cili u shpreh se ishte kujdesur që Erjon Vishkulli, i riu që mbeti i plagosur rëndë në sy gjatë p...
AKTUALITET
Shqipëria sot, me rrugë të vjetra që nuk mirëmbahen dhe me rrugë të reja që nuk mbajnë
Rogert BlloshmiPërditësimi i fundit 26 Shkurt 2026, 14:59
Shqipëria sot po përballet me një problem serioz në infrastrukturë, teksa shumë rrugë po shemben.
Nga njëra anë qëndrojnë rrugët e reja, të cilat shemben ende pa përfunduar punimet dhe nga ana tjetër rrugët e vjetra, ose urat të cilat nuk mirëmbahen.
Ky kombinim i moskujdesit dhe projektimit të dobët rrezikon sigurinë e qytetarëve dhe nxjerr në pah nevojën urgjente për kontroll më të rreptë mbi investimet infrastrukturore.
Kur shteti vjedh dhe nuk e ka mendjen tek rrugët, pasojat bien mbi kurrizin e qytetarëve.
Në foton e mëposhtme shfaqet Ura e Murrashit e ndërtuar rreth viteve 1970, e cila sot do të ishte në gjendje të mirë po të ishte mirëmbajtur, por kur shteti mbyll sytë, ura do përfundojë në këtë gjendje.
Zona ndodhet rreth 12 kilometra larg segmentit të dëmtuar në Dragostunjë, ku më herët u regjistrua shembja e një pjese të infrastrukturës hekurudhore.
Struktura e urës është dëmtuar rëndë, ndërsa toka përreth saj ka pësuar çarje dhe rrëshqitje në disa pjesë, duke ngritur pikëpyetje serioze mbi stabilitetin e terrenit.
Gjendja e krijuar paraqet potencialisht rrezik, veçanërisht nëse procesi i shembjes vijon ose përshkallëzohet për shkak të lëvizjeve të mëtejshme të tokës.
Deri në këto momente nuk ka pasur asnjë njoftim zyrtar nga institucionet përgjegjëse lidhur me situatën konkrete, masat e marra apo vlerësimin e riskut për zonën përreth.
Po ashtu rruga e re Librazhd-Prrenjas tregoi një dështim të madh të shtetit, teksa qytetarët janë lënë rrugëve dhe juglindja qëndron prej disa ditësh e izoluar.
Situata është edhe më alarmante se kaq, pasi me dhjetëra raste të tjera janë pasqyruar dhe nga Piranjat News ku rrugët janë çarë dhe shembur pas përfundimit të punimeve, duke sjellë mjaft probleme për qytetarët./Piranjat News
