Dritare të thyera, njolla zjarri nëpër mure: ministria e Arsimit në Tiranë mbart gjurmët e protestave të ditëve të...
AKTUALITET
Shqiptarja lë vetëm në shtëpi foshnjen e saj dhe shkon të blejë cigare
PiranjatPërditësimi i fundit 30 Qershor 2023, 16:30
Një 37-vjeçare shqiptare është dënuar me 6 muaj burg pasi të martën e kaluar la vetëm në shtëpi vajzën e saj njëvjeçare dhe shkoi të blinte cigare. Ngjarja ka ndodhur në Selanik dhe nëna shqiptare u shpall fajtore për ekspozimin në rrezik të një të mituri.
Kanë qenë banorët e pallatit ata që kanë njoftuar policinë pasi kishin dëgjuar një foshnjë duke qarë prej disa kohësh nga një apartament në katin e ndërmjetëm dhe nuk e dinin nëse ajo ishte vetem ne shtepi. Kur punonjësi i policisë mbërriti me kolegët e tij në banesën në qendër të Selanikut, ata e gjetën foshnjën duke qarë, por askush nuk e hapi derën e hyrjes kur i ranë ziles. Njëri prej policëve tha:
Kur u pyet për vendin se ku ndodhej, ndërsa kishte lënë foshnjen vetëm në shtëpi, shqiptarja i tha policisë se kishte shkuar për të blerë cigare, por në gjykatë tha se kishte shkuar të bënte pazar në supermarket.
Avokati mbrojtës që përfaqësonte 37-vjeçaren tha se ajo është e tronditur nga ngjarja dhe ka preferuar të mos shkojë në gjykatë, por të qëndrojë në shtëpi me foshnjën e saj. Sipas tij 37-vjeçarja është ndarë nga bashkëshorti dhe ajo nuk kishte ku ta linte fëmijën e saj të martën në mëngjes, kur i duhej të bënte pazar në supermarket.
