Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
"Është gjynah të tallen me mundin tonë", blegtorët protestë për uljen e çmimit të qumështit, bllokojnë qarkullimin në rrugën kombëtare Kardhiq-Delvinë
n.fPërditësimi i fundit 8 Shkurt 2025, 14:09
DELVINË- Blegtorë kanë dalë ditën e sotme në rrugë në protestë në vendin e quajtur Ura e Kardhiqit. Gjatë protestës blegtorët bllokuaan qarkullimin e mjeteve në rrugën kombëtare Kardhiq-Delvinë.
Blegtorët shprehen se po punojnë natë ditë dhe çmimi i qumështit po ulet çdo ditë. Ata i janë drejtuar Ministrisë së Bujqësisë për plotësimin e disa kërkesave ndër të cilat vendosja e çmimit tavan të qumështit, dyfishimi i subvencioneve, transparencë në ndarjen e kullotave dhe ndërtimi i veprave ujore në shërbim të blegtorisë.
Ata gjithashtu nuk kanë marrë paratë e dy muajve dhe theksojnë se paratë do ti marrin por problem është ulja e çmimi. Sipas tyre çmimi është ulur me 30 lekë nga vjet dhe kjo tregon se po tallen me mundin e tyre.
"Shqetësimi ynë është, që në punojmë natë e ditë dhe kafshët i kemi lënë brenda. Na i ulin çmimet nga ora në orë nga dita në ditë. Kemi dy muaj që japim qumësht dhe lekë nuk kemi marrë. Lekët do i marrim, por çmimet po ulen dita ditës.
Nga vjet e deri në sivjet na është ulur me 30 lekë. Është gjynah të tallen me mundin tonë. Përfitojnë 5 veta, ndërsa 500 veta punojnë kot. Po të ulin djathin, kafen të gjitha le të ulin edhe qumështin. Pronarët na kërkojnë edhe taksat dhe të paguajmë kullotat. Të gjitha janë bërë private, biznes më vete dhe pak lek që na takojnë nga shteti për kafashët, gjysmat na i hedhin gjysmat nuk na i hedhin. Ne kot sa punojmë, më mirë të ikim nga ky vend kemi familje, nuk jemi vetëm.” tha protestuesi i revoltuar.
