Tensionet e para janë shënuar gjatë protestës së 54-të para Kuvendit të Shqipërisë. Disa prej protestuesve kan&eu...
AKTUALITET
Si u arrestua Laert Haxhiu,ndjekje me makina me policinë greke, përplasi 3 mjete të tjera
PiranjatPërditësimi i fundit 24 Maj 2023, 09:41
Detaje të reja janë zbardhur nga mediat greke lidhur me arrestimin e të shumëkërkuarit të policisë, Laert Haxhiu në Janinë. Raportohet se 31-vjeçari u arrestua mbrëmjen e së hënës nga policia greke gjatë një ndjekje policore në autostradën kombëtare pranë aeroportit të Janinës. Referuar mediave greke Laert Haxhiu po udhëtonte me një makinë tip BMW X5 kur policia greke u vu në ndjekje të tij.
Mjeti ku Haxhiu ndodhej pasagjer nuk i ndaloi policisë por tentoi të largohej. Gjatë ndjekjes policore automjeti i tyre u bllokua në një semafor të kuq dhe përplasi 3 mjete të tjera. Në makinë, 31-vjeçari nga Lushnja ishte së bashku me 2 persona të tjerë. Sipas mediave greke, policia nisi ndjekjen ndaj tij nën dyshimet se po bëhej transport i emigrantëve të paligjshëm.
Laert Haxhiu i paraqiti policisë greke një dokument të falsifikuar me emrin e Mikin Askalidis 32 vjeç lindur në Gjeorgji. Por, nga verifikimi i gjurmëve të gishtave, polici greke zbuloi se bëhej fjalë për një të shumëkërkuar nga drejtësia shqiptare. Edhe dy personat e tjerë që ndodheshin me Laert Haxhiun u arrestuan. Ata janë persona të njohur për autoritetet greke, njëri prej të cilëve 35 vjeç, kushëriri i Mario Diamantit nga Delvina që u vra në një karburant në Athinë dy vite më parë.
Ky i fundit shkruajnë mediat greke ishte shoferi i makinës BMË X5 ku ndodhej Laert Haxhiu. Ai kishte ardhur nga Athina për të marrë 31-vjeçarin shqiptar.
Edhe personi i tretë që udhëtonte në makinë me Laert Haxhiun, një 22-vjeçar shqiptar, është person i kërkuar nga autoritetet e vendit tonë për plagosje të rëndë me dashje.
