Elisa Spiropali ka reaguar pas zgjedhjeve në Serbi, ku Lista e Studentëve fitoi përballë Alexandar Vuçiç.
Deputetja sociali...
AKTUALITET
Socialistët po ‘skanojnë’ rrjetet sociale për të gjetur drejtuesit e protestës
PiranjatPërditësimi i fundit 10 Qershor 2026, 21:47
Gazetarja Fjorela Beleshi deklaroi se protesta qytetare që ka hyrë në ditën e saj të 11-të ka shkaktuar shqetësim në radhët e Partisë Socialiste dhe të kryeministrit Edi Rama.
Në një lidhje direkte për emisionin “Off the Record” në A2 CNN, Beleshi tha se, sipas burimeve të saj, socialistë, deputetë dhe struktura të partisë po monitorojnë aktivitetin në rrjetet sociale për të identifikuar personat që shpërndajnë përmbajtje nga protestat dhe për të zbuluar organizatorët e tyre.
Sipas gazetares, qëndrimi i mazhorancës ndaj protestës ka ndryshuar me kalimin e ditëve, ndërsa ajo theksoi se deri tani nuk është arritur të identifikohen të gjithë personat që qëndrojnë pas organizimit të saj. Beleshi shtoi se janë përfolur disa emra si organizatorë, por këto pretendime janë kundërshtuar ose mohuar publikisht.
Ajo deklaroi gjithashtu se disa përfaqësues të protestuesve janë ftuar për dialog nga kryeministri, por nuk kanë pranuar të marrin pjesë. Sipas saj, protesta vijon të mbetet pa një drejtues të shpallur publikisht, çka e dallon nga lëvizjet tradicionale politike.
“Janë të shqetësuar socialistët për protestën, me në krye zotin Rama, duke ndryshuar narrativën që prej fillimit e deri në fund.
Fillimisht, të gjithë këta qytetarë të cilët janë në boulevard dhe poshtë zyrës së tij ishin njerëz të mirë. Sot janë budallenj, duke iu referuar fjalëve të zotit Rama, dhe janë disa elementë të cilët janë të manipuluar nga grupe të ndryshme armiq të vendit tonë, por nga ana tjetër edhe grupe brenda vendit.
Partia Socialiste është e shqetësuar jo vetëm për ndryshimin e diskursit publik dhe politik, por edhe për shkakun se tashmë, të paktën sipas burimeve të A2, të gjithë socialistët aktivë dhe jo aktivë, deputetë dhe jo deputetë, kanë hyrë imtësisht në kontrollin e çdo rrjeti social të çdo qytetari, sado aktiv që të jetë, nëse ka shpërndarë një herë protestën, kanë nisur kontroll për të parë edhe për të gjetur organizatorët. Deri më tani nuk ia kanë arritur për të gjetur të gjithë organizatorët.
Kanë munduar të spiunojnë disa emra të cilët kanë dalë, por personazhet të cilët janë bërë publike janë kundërshtuar dhe janë mohuar. I ka ftuar zoti Rama në zyrën e tij që të jenë një përfaqësi, nuk kanë pranuar dhe duket që kjo protestë që ata quajnë ndryshe, vërtetë qenka ndryshe.
Për sa i përket faktit që nuk ka asnjë lider, nuk ka asnjë tërheqje të tyre, por nuk ka deri më tani asnjë tërheqje nga ana e zotit Rama.
Pavarësisht se ditën e djeshme tha që do tërhiqemi nga ligji për investimet strategjike, edhe pse zoti Rama nuk e thotë që në këtë debat apo në këtë diskurs politik që ka qenë një kërkesë e Bashkimit Europian për të hequr dorë”, shtoi Fjorela Beleshi.
