Një tjetër vatër zjarri është regjistruar gjatë natës në fushën e Lazaratit, pranë pompës së ujit....
AKTUALITET
SPAK dyshon se i dhuroi vilë Metës dhe Kryemadhit për miratimin e një ligji, Klodiana Lala zbulon emrin e biznesmenit
r.llPërditësimi i fundit 22 Tetor 2024, 08:42
klodiana lala
TIRANË- Gazetarja Klodiana Lala, e ftuar në emisionin "Të Paekspozuarit", ka zbuluar se biznesmeni i përmendur me inicialet S.M, në dosjen e SPAK për Metën dhe Kryemadhi, është në fakt biznesmeni më i madh në Shqipëri, Samir Mane. Ndaj biznesmenit nuk ka asnjë masë dhe akuzë, por Lala tha se ai ka qenë në SPAK për të dhënë deklarime.
Gazetarja shpjegoi se SPAK ka dyshime që biznesmeni i dhuroi një vilë Metës dhe Kryemadhit në këmbim të favorizimit nëprëmjet një ligji, por vetë biznesmeni në dëshminë e tij e ka mohuar, duke deklaruar se çifti Meta-Kryemadhi e kishin porositur vetë këtë vilë dhe më pas e kanë kthyer.
"Zoti Meta dhe zonja Kryemadhi dyshohet kanë përfituar një vilë si shpërblim nga një biznesmen i njohur për shkak se zonja Kryemadhi ka ndikuar që një ligj të miratohet, ose ka propozuar, që ndryshimet të shkonin në favor të biznesmenit. Shtetasi Samir Mane është pyetur nga SPAK. Ai thotë se Meta dhe Kryemadhi kanë bërë porosi, e kanë marrë vilën por e kanë kthyer më pas. Por SPAK thotë se e kanë përfituar këtë vilë nga zoti Mane, sepse e kanë favorizuar në ndryshimin e një ligji", tha Lala.
