Kryeministri Edi Rama po zhvillon një takim me drejtuesit e gjimnazeve, në një kohë kur protestat në Tiranë vijojnë prej di...
AKTUALITET
Statusi i prokurorit të SPAK pas përfundimit të mandatit, Dumani: T’i jepet mundësia të rikandidojnë për të qenë pjesë e strukturës
M.B.Përditësimi i fundit 2 Dhjetor 2024, 17:13
TIRANA- Kreu i SPAK, Altin Dumani mori pjesë sot në Komisionin e Monitorimit të AP të Këshillit të Europës, ku ngriti një shqetësim në lidhje me statusin e prokurorit të Prokurorisë së Posaçme pas përfundimit të mandatit 9-vjeçar. Ai tha se kanë propozuar ndryshimet e nevojshme për të rishikuar dhënien e mundësisë që të rikandidojnë për të vazhduar të jenë prokurorë të SPAK dhe jo zgjatje automatike të mandatit. Dumani shtoi se SPAK ka paraqitur disa shqetësime që shpresojmë të gjejnë zgjidhjen ligjore nga Kuvendi.
Pjesë nga fjala e Dumanit:
Një shqetësim i bërë publik është mungesa e përcaktimit të qartë ligjor në lidhje me statusin e prokurorit pas përfundimit të mandatit të tyre. Mandati është 9 vite dhe pas 9 vite Prokurorët e SPAK kthehen në vendin ku kanë qenë më parë. Ne kemi propozuar ndryshimet e nevojshme për të rishikuar dhënien e mundësisë që të rikandidojnë për të vazhduar të jenë prokurorë të SPAK dhe jo zgjatje automatike të mandatit.
SPAK ka paraqitur disa shqetësime që shpresojmë të gjejnë zgjidhjen ligjore nga Kuvendi. Sfida e parë është ruajtja e pavarësisë institucionale të SPAK. Kemi një kornizë ligjore që siguron pavarësinë institucionale të SPAK dhe kjo pavarësi është një ndër shkaqet që SPAK është i suksesshëm.
