Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
AKTUALITET
“Stop dhunës ndaj studentëve”, Sindikata e Punonjësve të Universiteteve njofton marshim solidariteti
PiranjatPërditësimi i fundit 19 Tetor 2026, 16:30
Pedagogët këtë të hënë kanë dalë me një reagim zyrtari lidhur me protestën studentore teksa kanë dalë në mbështetje të studentëve. Sindikata e Punonjësve të Universiteteve të Shqipërisë, SPUSH në reagim thekson se policia dhe dhuna e saj nuk njeh më as protokolle institucionale dhe as humanizëm njerëzor.
Ata kane njoftuar të martë në një marshim solidariteti me moton “STOP DHUNËS NDAJ STUDENTËVE”. Marshimi është njoftuar në orën 10:00 te sheshi para Universitetit Politeknik – UPT.
"Sindikata e Punonjësve të Universiteteve të Shqipërisë (SPUSH) ka qenë në përkrahje dhe pjesë e protestës së studentëve të filluar prej 6 ditësh. Ajo po ndjek me kujdes dhe shqetësim të jashtëzakonshëm dhunën policore, e cila nuk njeh më as protokolle institucionale dhe as humanizëm njerëzor. Në këto kushte ju ftojmë: të martën, datë 20 tetor 2026, ora 10:00, në një marshim solidariteti me moton “ STOP DHUNËS NDAJ STUDENTËVE ”, Sheshi para Universitetit Politeknik – UPT.
Pjesëmarrja jonë është detyrim qytetar e njerëzor e në funksion të mbrojtjes së jetës së studentëve e shtrimit të një rruge për dialog. Një pjesëmarrje sa më e madhe tregon se elitat reale ekzistojnë dhe janë në pozicionin që u takon në të mirë të kombit tonë”, thuhet në reagim.
