Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Studentja denoncon shoqërimin e turistit nga efektivët: Ndodhej mes demonstruesve! Ramën do ta zerë gjaku i të rinjve që kanë derdhur
PiranjatPërditësimi i fundit 25 Tetor 2026, 19:19
Policia ka nisur edhe shoqërimet e protestuesve këtë të dielë ndërkohë që mes tre personave të shoqëruar nga policia pak më parë gjatë protestës përpara Kryeministrisë qëndron edhe një turist i huaj. Ngjarja është denoncuar nga një studente pjesëmarrëse në tubim, e cila ka kritikuar ndërhyrjen e forcave të rendit dhe ka deklaruar se protestuesit nuk do të tërhiqen.
Sipas studentes, turisti ndodhej mes demonstruesve në momentin kur policia ndërhyri për të kryer shoqërimet. Ajo tregoi se i huaji është identifikuar si turist, por kjo nuk e ka penguar shoqërimin e tij.
“Mes protestuesve ishte edhe një turist. Ishte mes tre personave që u shoqëruan. Unë jam studente. Kam qenë edhe në protestat paqësore, por në protestat e studentëve kam qenë çdo ditë. Sa më shumë na kundërshtojnë, aq më shumë na shtohet revolta”, u shpreh studentja.
E reja kritikoi kryeministrin Edi Rama për paralajmërimet e tij mbi vendosjen e gjobave dhe masave të tjera ndëshkuese ndaj pjesëmarrësve në protesta të dhunshme. Sipas saj, ndërhyrjet e policisë dhe presioni ndaj protestuesve nuk do t’i ndalojnë të rinjtë të vijojnë tubimet.
“Janë duke u lodhur kot. Policinë dhe Ramën do t’i zërë gjaku i të rinjve që kanë derdhur. Nuk rri dot në shtëpi, sa kohë në protestë dalin 13-vjeçarë. Ne do të mundohemi të rezistojmë deri në fund”, pohoi ajo.
