Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Të paktën 5 persona të shoqëruar në polici, çfarë dihet deri më tani për vrasjen e dyfishtë që tronditi Manzën
PiranjatPërditësimi i fundit 22 Tetor 2025, 11:05
Janë shoqëruar në polici 5 persona në lidhje me vrasjen e dyfishtë në Manzë të Durrësit, ku mbetën viktime Aranit Kurti dhe Flori Paluçi.
Bëhet me dije se të gjithë personat e shoqëruar kanë dhënë të njëjtën dëshmi për ngjarjen, ndërsa kamarieri ka treguar të gjithë dinamikën e ngjarjes, ku është e verifikuar edhe nga pamjet e sigurise.
Kamarieri:
Daniel Pepa erdhi në lokal dhe më kërkoi një kafe. Bashkë me Daniel Pepën ishte edhe një shok i tij. I thashë që nuk ta bëj dot kafenë se ekspresi kërkon kohë të ngrohet. Ekspresin e kisha fikur që në orën 00:00, më tej nuk shërbejmë. Kur i thashë se nuk ta bëj dot kafenë, Danieli më ofendoi. Ai ngulmoi t’ia bëja kafenë. Nuk i ktheva përgjigje, por ndërhyri Flori Paluçi. Flori Paluçi i tha Daniel Pepës që të mos më fyente. Paluçi dhe Pepa debatuan me njëri-tjetrin, më pas dolën te dera
Unë erdha në mëngjes, e gjeta karburantin e rrethuar, që ndalohet, skenë krimi. Më thanë ka ndodhur në ngjarje, mos u afro. Nuk i njoh. Njëri nga Manza por nuk rrinë gjatë këtu. Ishin çuna të sjellshëm. Nuk e di tamam. Çfarë thonë portalet, aq di dhe unë.
Flori Paluçi i skeduar për përfshirje në krime të ndryshme
Burime nga hetimet bëjnë me dije se Flori Paluçi ishte një emër i njohur për policinë dhe drejtësinë italiane, i skeduar për përfshirje në krime të ndryshme, përfshirë dhe pjesëmarrje në një grup të strukturuar grabitësish që vepronte në territorin italian.
Sipas të dhënave nga grupi hetimor, Daniel Pepa së bashku me Arianit Kurtin kanë shkuar në lokal dhe Danieli i ka kërkuar kamarierit të lokalit që t’i bënte një kafe. Kamarieri i është përgjigjur që ekspresi ishte i fikur dhe se nuk mund të bënte kafe. Më pas, sipas informacioneve, Danieli i ka kërkuar që ta ndizte ekspresin duke përdorur edhe fjalë fyese në drejtim të kamarierit.
Aty ka ndërhyrë Flori Paluçi, i cili i ka thënë që ti nuk mund ta fyesh, pasi kamarieri është ulur në tavolinë me mua. Pas këtij momenti kanë nisur debatet verbale mes tyre dhe kanë degjeneruar deri në përdorimin e armës së zjarrit.
Sipas dinamikës paraprake, i pari që ka qëlluar është Flori Paluçi, i cili ka vrarë Arianit Kurtin, dhe më pas Daniel Pepa ka qëlluar duke lënë të vrarë Paluçin.
