Të shtënat me armë në Fier, identifikohet polici i "Shqiponjave" që humbi jetën (EMRI)

Pamje nga vendngjarja

FIER - Novruz Cenaliaj rreth 28-vjeç, është efektivi që u vra me armë zjarri në Baltëz të Fierit mesditën e kësaj të hëne. Cenaliaj, efektiv i "Shqiponjave" të DVP Fier, ishte jashtë shërbimit por i veshur me uniformën e Policisë në momentin që është qëlluar nga një person i identifikuar si A.M. Ende nuk dihen shkaqet dhe rrethanat e ngjarjes. Policia ka nisur hetimet për zbardhjen e plotë të rastit.

Rreth orës 13:15, në fshatin Baltëz, dyshohet se gjatë një konflikti të çastit, shtetasi A. M. ka vrarë me armë zjarri shtetasin N. C., punonjës policie i Forcës së Posaçme “Shqiponja” të DVP Fier, jashtë shërbimi, por i veshur me uniformën e Policisë, pasi shkonte për të marrë shërbimin.

Menjëherë në vendngjarje janë nisur shërbimet e Policisë, Forca Kombëtare e Sigurisë, Reparti Special “RENEA”, të cilat kanë rrethuar zonën dhe vijojnë punën për kapjen e autorit.

Grupi hetimor dhe drejtues të Departamentit të Policisë Kriminale, në drejtimin e Prokurorisë, po punojnë për sqarimin e rrethanave dhe për dokumentimin ligjor të kësaj ngjarjeje.

fier policia te shtena me arme

fie plagosje polic