Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
AKTUALITET
Të shtënat me armë zjarri në Laç i morën jetën 24-vjeçarit/ Gjithçka nisi pasi të rinjt fërkuan pasqyrat e makinave, caktuan vendin për t’u sqaruar...
M.B.Përditësimi i fundit 4 Maj 2025, 12:43
LAÇ- Janë zbardhur të tjera detaje lidhur me ngjarjen e rëndë të ndodhur ditën e djeshme në Laç teksa si pasojë e plumbave nga të shtënat me armë zjarri humbi jetën një 24-vjeçar. Mësohet se i arrestuari Klevis Ndreca 28-vjeç ka qenë në makinë me Amarildo Ndojn 26-vjeç, ndërsa Daniel Gjeloshi 26-vjeç ka qenë në makinë me Liridon Ismailaj 26-vjeç dhe Gerald Bitrin 24-vjeç, ky i fundit i mbetur viktimë.
Sipas informacioenve, të rinjtë janë konfliktuar verbalisht për shkak se gjatë lëvizjes me makinë kanë kapur pasqyrat e njëri-tjetrit. Konflikti verbal 5 minuta më vonë ka agravuar në përdorimin e pistoletave. Ata kanë lënë të takohen e të sqarohen pak më tutje në rrugën ku ndodhi edhe ngjarja. Sapo kanë ndaluar dhe zbritur, Ndreca ka nisur të qëllojë me armë.
Ndreca dhe Gjeloshi kanë qëlluar me armë në drejtim të njëri-tjetrit. Klevis Ndreca ka qëlluar me armë drejt tre të rinjve të tjerë, të cilët i la të plagosur. Nga të shtënat me armë i plagosur aksidentalisht mbeti edhe shoku i tij Amarildo Ndoj dhe shitësja ambulante. Me armë zjarri pistoletë është kundërpërgjigjur edhe Daniel Gjeloshi, por nuk ka plagosur asnjë person.
Gjithashtu mësohet se arma që u gjet pak metra larg vendit të ngjarjes i përket 26-vjeçarit Daniel Gjeloshi. Bëhet me dije se Klevis Ndreca është vetëdorëzuar në polici pas ngjarjes, ku ka dorëzuar edhe armën e krimit. Në dëshminë e tij paraprake, Ndreca ka deklaruar se ka qëlluar me armë drejt të rinjve sepse është trembur pasi sipas tij i ka parë që kanë pasur armë.
