Një qendër e presionit të ulët atmosferik, e zhvilluar përkatësisht mbi Adriatik, do të sjellë në vendin tonë...
AKTUALITET
Tenderi 700 mijë euro i KESH / SPAK: Kriteret me porosi, biznesmeni caktoi edhe fondin
PiranjatPërditësimi i fundit 13 Shkurt 2026, 19:58
Tenderi me vlerë rreth 700 mijë euro që coi Benet Becin para drejtësisë, për prokurorinë e posaçme është kryer në shkelje të plotë me ligjin. OraNews ka mësuar detaje të tjera sa i takon procedurës së ndjekur nga KESH ku ka shpërdoruar fondet publike.
Sipas të dhënave, ky tender u paracaktua sipas disa kritereve të biseduara më herët mes Ervis Berberit, Adela Rukos dhe Dritan Dakolit, ky i fundit aksioner i kompanisë Euronet sh.p.k.
Të dhënat flasin se Dakoli kishte kontakte me Benet Becin si dhe me Berberin. Në rrethanat e zbuluara nga SPAK rezulton se "Kriteret e veçanta të kualifikimit" të "Dokumentave Standarte të Tenderit" në lidhje me procedurën e prokurimit me nr. REF-46463-12-18-2019, me objekt: "Zhvillimi Strategjik i Sektorit Energjitik", me Autoritet Kontraktor "Korporata Elektroenergjitike Shqiptare sh.a", janë vendosur me qëllimin e paracaktimit të shoqërisë fituese në këtë procedurë prokurimi "Consulting & Management Albania" sh.p.k (me inicialet "CMA").
Kjo gjë ka ndodhur në sajë të sigurimit të të dhënave paraprake të kritereve të veçanta të kualifikimit, të dhëna të siguruara nëpërmjet shtetasve Evis Berberi, i cili rezulton të jetë bashkëshorti i shtetases Adela Ruko, me detyrë Përgjegjëse e Sektorit të Prokurimeve pranë Autoritetit Kontraktor KESH sh.a, njëkohësisht anëtare e KVO-së në këtë procedurë prokurimi.
Po ashtu, kriteret e veçanta të kualifikimit janë vendosur në përputhje me interesat e shtetasit Dritan Dakoli, i cili rezulton të jetë aksioner i shoqërisë "Euronet" sh.p.k, që ka përgatitur ofertën e saj për përllogaritjen e fondit limit, ofertë që ka qenë më e madhe se dy shoqëritë që kanë përgatitur ofertat e tyre dhe që ka ndikur për paracaktimin e fondit limit në këtë procedurë.
