Tentoi të fuste 36 mijë paund të padeklaruara në Shqipëri, procedohet 47-vjeçarja në Rinas

Paratë e sekuestruara

RINAS- Një 47-vjeçare është proceduar ditën e sotme në Rinas. Mësohet se ajo ka tentuar të fusë në Shqipëri 36 mije paund të padeklaruara. 

Sipas njoftimit të policisë 49-vjeçarja ështe identifikuar me inicialet L. B. dhe ka nënshtetesi shqiptare dhe angleze. Procedimi i 49-vjeçares u regjistrua për veprën penale “Mosdeklarimi në kufi i të hollave dhe i sendeve me vlerë”.

Njoftimi:

Tentoi të fuste në Shqipëri, rreth 36 000 paunde, pa i deklaruar, procedohet penalisht 47-vjeçarja. Sekuestrohet shuma e parave. Si rezultat i rritjes së vigjilencës së shërbimeve të Policisë Kufitare, me qëllim parandalimin dhe goditjen e krimeve në kufi, në PKK Rinas, në hyrje të Shqipërisë, u krye kontroll në çantën e shtetases L. B. (me shtetësi shqiptare dhe angleze), ku u gjetën rreth 36 000 paunde, të cilat ajo nuk i kishte deklaruar konform ligjit.

Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasen L. B., 47 vjeçe. Gjithashtu, u sekuestrua në cilësinë e provës materiale, shuma e paundeve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

rinas shqiperi para te padeklaruara