Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
“Territor i pastër”/ Zbulohet parcela me 373 fidanë dhe bimë narkotike, shpallet në kërkim pronari 49-vjeçar në Malësi të Madhe
S.BPërditësimi i fundit 28 Maj 2024, 11:47
pamje nga ngjarja
MALËSI E MADHE- Shpallet në kërkim një 49-vjeçar në Malësi të Madhe. Mësohet se në fshatin Gruemirë, janë gjetur 321 fidanë kanabis të mbjellura, 52 bimë narkotike, bimë narkotike në proçes tharje si dhe sasi municioni luftarak.
Të gjitha bimët dhe objektet e lartëpërmendura janë sekuestruar. Gjithashtu bëhet me dije se pronari i dyshuar 49-vjeçari P.C është shpallur në kërkim.
Njoftimi i Policisë:
Si rezultat i kontrolleve, goditet një rast i kultivimit të bimëve narkotike, në fshatin Gruemirë. Sekuestrohen 373 fidanë dhe bimë narkotike cannabis sativa, bimë narkotike në proces tharjeje dhe një sasi municioni luftarak. Identifikohet autori i dyshuar dhe vijon puna për kapjen e tij.
Si rezultat i kontrolleve të imtësishme në të gjithë territorin e qarkut dhe punës së inteligjencës policore, në kuadër të megaoperacionit “Territor i pastër”, shërbimet e Komisariatit të Policisë Malësi e Madhe, në fshatin Gruemirë, gjetën të mbjella 321 fidanë dhe 52 bimë narkotike. Gjithashtu, në këtë territor, në ambientet e objekti në pronësi të shtetasit P. C., u gjetën disa bimë narkotike në proces tharjeje dhe një sasi municioni luftarak, të cilat u sekuestruan në cilësinë e provës materiale.
Nga veprimet hetimore për këtë rast u identifikua dhe u shpall në kërkim autori i dyshuar, shtetasi P. C., 49 vjeç. Vijon puna për kapjen e tij dhe për dokumentimin e plotë të kësaj veprimtarie kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër.
